2021/01/24
USD 2,811

Германд хязгаарлалтыг чангатгана

О.Шүрэнцэцэг
2020/12/14

Германд цар тахлын эсрэг арга хэмжээг илүү үр дүнтэй болгохын тулд энэ сарын 16-аас эхлэн хүнсний дэлгүүрүүдээс бусад жижиглэн худалдааны төвүүд, бүх сургуулиудыг хаахаар шийдсэн байна. Энэ тухай Германы Канцлер АнгелаМеркель мэдэгдэл хийж “Лхагва гарагаас эхлэн хүнсний бүтээгдэхүүн ба зайлшгүй шаардлагатай эд зүйл зардгаас бусад бүх жижиглэн худалдааг хаана” гэж мэдэгджээ.

Түүнчлэн үсчний газруудыг хаахаар шийдвэрлэсэн байна.

Ингэснээр Германы эрх баригчид цар тахлын тархалтыг зогсоохоор өнгөрсөн сарын 2-нд гаргасан хөл хорионы арга хэмжээгээ улам чангатгаж байгаа юм. Шинэ хязгаарлалт нь нэгдүгээр сарын 10-н хүртэл үйлчилнэ.

Германд COVID-19-ийн нийт 1 сая 336 мянга 101 тохиолдол бүртгэгдэж, энэ өвчний улмаас 21 мянга 900 хүн амиа алдаад байгаа аж.