Б.Идэр-Од: УОК-ын ажилд чирэгдэл учруулсандаа уучлал хүсье

Өчигдөр хэсэг уран бүтээлчид УОК-ын нэрийг барьж, бусад руу утсаар залган тоглож байгаа бичлэг цахим хэрэгслээр цацагдсан. Энэхүү үйлдлийг УОК-ын Шуурхай штабын дарга Б.Ууганбаяр" Амны хаалтгүй хэсэг хүмүүс мэргэжлийн үг хэллэгийг буруу ашиглан бусад руу залгаж тоглоом хийсэн. Хэдий хоорондоо хөгжилдаж байгаа ч халдварт өвчин тоглоом биш. Тиймээс хуулийн байгууллагад хандаж, тэдгээр хүмүүсийг шалгуулна" гэсэн юм. 

Тэгвэл уг асуудалтай холбоотойгоор комедиан Б.Идэр-Од дараах тайлбарыг өөрийн цахим хуудсандаа нийтэлжээ.

Тэрбээр цахим хуудаснаа "Коронавирусийн эсрэг тэмцэх ёстой үнэт цагийг нь алдагдуулсан хошигнол хийж Улсын онцгой комиссын ажлыг шаардлагагүй өөр зүйлд чиглүүлсэн чирэгдэл учруулсандаа уучлал хүсье. Онцгой байдалд ажиллаж буй төрийн албан хаагчид, эмч, эрүүл мэндийн ажилтнуудаа хүндэтгэж байгаагаа илэрхийлж маргаан үүсгэж буй контентын хэсгийг интернетээс татан авснаа мэдэгдэж байна.

Ideree’s Home Party, YouTube нэвтрүүлгийн 2020 оны 12 сарын 27-ны өдрийн дугаарын оролцогчид" гэжээ.