2021/04/16
USD 2,811

Оросын эрдэмтэд коронавирусийн эсрэг хоёр эм бүтээжээ

О.Шүрэнцэцэг
2020/12/31

Оросын эрдэмтэд корона вирусийн халдварыг эмчлэхэд ашиглах хоёр эм бүтээж, патентыг нь авсан тухай Анагаах-биологийн холбооны агентлагийн дарга В.Скворцова Ерөнхий сайд М.Мишустанд мэдэгджээ.

 Эхний эм нь шууд вируст нөлөө үзүүлдэг, этиотропбэлдмэл. Өөрөөр хэлбэл хүний бие махбод эсвэл хүний дархлаанд нөлөөлөлгүйгээр вируст шууд үйлчлэн аюулгүй болгодог бөгөөд одоо клиникийн туршилт хийх зөвшөөрөл хүлээж байгаа юм байна. Клиник судалгааны дараа албан ёсоор зөвшөөрөл авбал энэ бэлдмэл нь тухайлан COVID-19-ийн эсрэг үйлчилгээтэй дэлхийн анхны эм болно. 

 Хоёр дах эм нь COVID-19-ийн хүнд хэлбэрээр өвчилсөн үед үүсдэг цитокин хариу урвалыг дарангуйлдаг, ийм хариу урвал үүсэхээс урьдчилан  сэргийлдэг. Энэ бэлдмэл нь клиник судалгаанд ороод үр дүнтэйгээ баталсан тул одоо хэрэглэх зөвшөөрөл авах л үлдээд байгаа юм байна.

 Түүнчлэн тус агентлаг нь эсрэг биет үүсгэлгүйгээр эсийн дархлаагаар дамжуулан үйлчилдэг вакцин боловсруулж байгаа аж.