Украйн улс Хятадын “Sinovac Biotech” компанийн үйлдвэрлэсэн вакцин авахаар тохиролцсон тухай Ерөнхийлөгч В.Зеленскийн захиргаанаас албан ёсоор мэдэгджээ. Тохиролцоо ёсоор “Sinovac Biotech”-ийн 1,8 сая тун вакцин авах ёстойгоос эхний 700 мянгыг нь тус вакциныг БНХАУ эсвэл АНУ, Канад, Израйл гэх мэт улс орнуудад албан ёсоор бүртгэж, хэрэглэхийг нь зөвшөөрснөөс хойш 30 хоногийн дотор Украйнд нийлүүлэх ёстой юм байна.
Дашрамд сонирхуулахад, Украйны Гадаад харилцааны сайд нь корона вирусийн эсрэг Оросын вакциныг “Украйны эсрэг чиглэсэн гибрид зэвсэг” гэж нэрлээд худалдан авахаас эрс татгалзсан байдаг.