Германы эрдэмтэд COVID-ийг халдварыг 40 минутад тогтоодог төхөөрөмж бүтээжээ

Германы “GNA Biosolutions” компани корона вирусийн халдварыг 40 минутын дотор тодорхойлж чаддаг шуурхай шинжилгээний систем бүтээсэн байна. Шинэ системийг Мюнхен хотын нисэх буудал дээр амжилттай туршсан байна. Тус системд ашиглагддаг импульсээр өсгөх технологи буюу “PCA” нь 96,7 хувийн нарийвчлалтайгаар хариу өгдөг аж. 

Энэхүү системийг ашиглахад үеэр тоног төхөөрөмжийг бэлдэхэд 20 минут, залгиураас авсан сорилд шинжилгээ хийхэд 20 минут зарцуулдаг юм байна. Шинэ төхөөрөмж нь шуурхай шинжилгээний бусад төхөөрөмжөөс илүү хурдан, үнийн хувьд хямд бөгөөд тээвэрлэхэд хавьгүй хялбар болсон гэж үзэж байгаа аж. Иймд Германы холбооны Засгийн газар “GNA Biosolutions” компанид мянган төхөөрөмж урьдчилан захиалжээ. Германы Эмийн бэлдмэл ба эмнэлгийн төхөөрөмжийн холбооны төв “BfArM”-ээс энэ системийг ашиглах зөвшөөрлийг олгосон байна.