АНУ-ын Калифони мужид ихээхэн газар авсан цар тахлын уршгаар орон шарил хадгалах газрууд дүүрээд байгаа тухай “CTV News” мэдээлсэн байна. Тус сувгийн мэдээлж буйгаар энэ мужийн оршуулгын ёслолын компаниуд жирийн үеийнхээс зургаа олон буюу өдөрт 30 ба түүнээс олон удаа эмнэлгээс шарил тээвэрлэдэг болжээ. Оршуулгын ёслол хийдэг компаниуд үйлчлүүлэгчдийн хөл дарагдаж, нэгнээсээ тусламж гуйх дээрээ тулсан гэж байна. Зарим нь цогцос хадгалах хөргөгч олноор нь нэмж түрээслээд ч корона вирусийн улмаас нас барсан хүмүүсийг нутаглуулж амжихгүй болсон аж.
Одоогоор Калифорни мужийн эмнэлгүүдийн эрчим эмчилгээний тасгууд сул ор үлдээгүй гэж байна. АНУ-д шинэ корона вирусийн халдвар авсан хүний тоо 20 сая даваад байгаа. Калифорни муж нь COVID-19-өөр өвдсөн хүнийхээ тоогоор улсдаа тэргүүлж байна. Арванхоёрдугаар сарын байдлаар Калифорни мужийн халдвар авсан хүний тоо нь Герман, Энэтхэг, Британийн адил үзүүлэлтээс өндөр байсан.