Туркийн Анкара дах Билькентийн их сургуулийн эрдэмтэд COVID-19 –ийн үүсгэгч SARS-CoV-2 корона вирусийг арван секундийн дотор илрүүлдэг төхөөрөмж бүтээсэн тухай тус сургуулийн хэвлэлийн албанаас мэдээлсэн байна.
“Diagnovir” гэж нэрлэгдсэн энэхүү төхөөрөмж нь хүний шүлсний дээжээс корона вирусийг ялган таних чадвартай аж. Дээжийг тусгай уусмалтай хольж, эмгэг үүсгэгч биет илрүүлэх тусгай чипийн дээр байршуулдаг, улмаар чип нь уусмал өвчин үүсгэгчийг илрүүлбэл төхөөрөмжийн оптик систем нь гэрлийнхээ өнгийг өөрчилдөг юм байна. Энэ бүхэнд 10 секундээс хэтрэхгүй хугацаа заруулдаг.
Төхөөрөмжийн үр ашиг нь 99 хувь гэж зохион бүтээгчид нь мэдэгджээ. “Diagnovir”-ийн бүтээх гэж Туркийн эрдэмтэд долоон сарын турш ажилласан бөгөөд удахгүй энэ технологийг ашиглан бусад төрлийн өвчин үүсгэгчдийг илрүүлдэг тоног бүтээх аж.