2021/01/28
USD 2,811

Их Британид улс даяараа хатуу хөл хорио тогтоолоо

О.Шүрэнцэцэг
2021/01/06

Их Британийн Ерөнхий сайд Борис Жонсон улс үндэсний тв сувгуудаар үндэстэндээ хандан үндэсний хэмжээнд карантин зарлаж байгаагаа мэдэгдлээ. Шинээр илэрсэн мутацид орсон корона вирус асар хурдацтай тархаж байгаа учраас ийм арга хэмжээ авахаас өөр аргагүй болсон юм байна. Одоо Британийн эмнэлгүүд асар их ачаалалтай ажиллаж байгаа гэдгийг Ерөнхий сайд онцлов.

 Ингэснээр Их Британи даяар бүх сургуулиуд зайны сургалтад шилжих бөгөөд эмч, нийгмийн ажилтан, гал унтраагч, цагдаа гэх мэт онц шаардлагатай ажил хийдэг хүмүүсийн хүүхдүүдийг л сургуульд ирэхийг зөвшөөрсөн гэж байна. Иргэд зөвхөн эмчид үзүүлэх, дэлгүүр орохын тулд л гэрээс гарч болно.

 Үүнээс хэдхэн хоногийн өмнө Британийн Засгийн газар нь улсынхаа газар нутгийн 75 хувийг хамарсан хатуу хөл хорио тогтоогоод байсан юм. Цаашдаа хөл хорионы хатуу үе хэр удаан үргэлжлэх нь корона вирусийн тархалтаас хамаарна гэдгийг Ерөнхий сайд онцолжээ.