Цар тахлын ялагч нь Орос, Хятад хоёр байх ёсгүй гэв

Их Британиас АНУ-д суугаа онц бөгөөд бүрэн эрхэнд элчин сайд Карен Пирс “Bloomberg” сувагт ярилцлага өгөхдөө корона вирусийн цар тахлын ялагч нь Орос, Хятад хоёр байх ёсгүй гэж мэдэгджээ. Үүний тулд Өрнөдийн орнуудыг илүүтэй хамтран ажиллах замаар, нээлттэй нийгэм нь ялж гардаг гэдгийг харуулах ёстой гэсэн байна.

Мөн КаренПирс нь Хятад яваандаа хиймэл оюун ухааны салбарт манлайлж магадгүй байгааг байж боломгүй зүйл гээд шинэ технологи нь Хятад мэтийн авторитар дэглэмтэй улс орнуудад бус харин нээлттэй нийгэмтэй улс орнуудад илүү ашиг хүртээж байх ёстой гэсэн санааг дэвшүүлсэн байна.