Эх орондоо ирэхээр БНСУ-ын онгоцны буудал дээр өлсгөлөн зарлан аргаа барьж буй Монголчуудын хажуугаар төрийн түшээд нь дугаарлал дайран ирсэн. Тодруулбал УИХ-ын гишүүн Ш.Раднаасэд эхнэр Б.Хонгорзулын хамт өчигдөр МИАТ-ийн онгоцоор ирсэн баримтыг зариг ил болгосон юм.
Тэгвэл УИХ-ын гишүүн Ш.Раднаасэд нь намынхандаа болоод УИХ-ын гишүүдэд эхнэр нь хүнд өвчтэй учир ийнхүү ирэхээс өөр арга байгаагүй гэж тайлбарлажээ. Цаашаа нэг өөр зүйл яриад наашаа худал ярьжээ. Тодруулбал ЭРГЭЛТ.МН сайтад өгсөн түүний тодруулгыг бүрэн эхээр нь хүргэе.
-Таныг өчигдөр шөнө БНСУ-аас ачаа тээврийн онгоцоор эх орондоо ирсэн гэх мэдээлэл байна. Энэ үнэн үү?
-Буруу, ташаа мэдээлэл гарсан байна. Би өчигдөр шөнө ачаа тээврийн онгоцоор эх орондоо ирээгүй. БНСУ руу эрүүл мэндийн шалтгаанаар яваад, шинэ оны өмнө тусгай үүргийн нислэгээр эх орондоо ирсэн. Миний тусгаарлалтын хугацаа хэдийн дуусаад, УИХ-ын чуулгандаа оролцож байгаа.
-БНСУ-аас арваннэгдүгээр сард ирэх дөрөв, арванхоёрдугаар сард ирэх нэг, нийт тусгай үүргийн таван нислэгийг цуцалсан шүү дээ. Та яг хэдний онгоцоор ирсэн юм бэ?
-Хэдний өдөр гэдгийг нь санахгүй байна. Ямар ч гэсэн арваннэгдүгээр сарын сүүлч бил үү, арванхоёрдугаар сарын эхээр ирсэн.
Сэтгэгдэл (0)
Сэтгэгдэл бичигдээгүй байна