Их Британид корона вирусийн хавьгүй илүү халдвартай мутацид орсон хувилбар илэрсэн явдал Европ тивийг бүхэлд нь сандаргаад байна. Гэтэл түүнээс ч илүү халдвартай бас нэгэн хувилбар гарч ирсэн тухай МэттаХэнкок мэдэгджээ. Өмнөд Африкаас гаралтай энэ хувилбар нь хэвийн Их Британид бүртгэгдсэн аж.
Өмнөд Африкийн хувилбарын гол аюулын талаар Оксфордын их сургуулийн профессор Жон Белл ярихдаа уургийнх нь бүтцэд ихээхэн өөрчлөлт орсон болохоор маш аюултай байдал үүссэн гэж тайлбарлажээ. Одоо Их Британид хэрэглэгдэж байгаа вакцинууд нь хүний дархлалын системд вакциныг таниулдаг, өөрөөр хэлбэл устгах ёстой гаднын эд гэдгийг зааж сургадаг. Гэтэл Өмнөд Африкийн корона вирус нь танигдахгүй болтол мутацид орж өөрчлөгдөж магадгүй байгаа юм байна. Ингэвэл вакцин тариад огт нэмэргүй эсвэл тун ялихгүй үр нөлөө гарах аюул байгаа аж.