Орост улсын хэмжээнд халдварт өвчний тархалтыг судалдаг “Роспотребнадзор” нь корона вирусийн тархалтын нөхцөл байдалтай холбоотой чухал мэдэгдэл хийжээ. “Роспотребнадзор”-ын орон нутаг дах салбарын удирдлагууд тус тус бүс нутаг дах вирусийн тархалтын талаарх үр дүнг танилцуулан хуралдсаны дараа Орос даяар корона вирусийн тархалт тогтворжсон гэсэн мэдэгдэл хийжээ.
COVID-19-өөр өвдсөн хүмүүсийн тооны өсөлт удааширсан нь ажиглагдаж, нааштай дүр зураг ажиглагдаж байгаа ч орон нутагт халдварын тоо хэлбэлзэж байгаа тул урьдчилсан сэргийлэх арга хэмжээг цаашид ч сайтар авч хэрэгжүүлэх ёстой гэсэн байна.
“Роспотребнадзор”-ын мэдээгээр Орост сүүлийн долоо хоногт 100 мянган хүн ам тутамд ногдох корона вирусийн өвчлөлийн тоо 18,9 байснаас буурч 16,5 болжээ.
°C