Европын холбооны парламентын Худалдааны хорооны тэргүүн Бернд Ланге нь цаашдаа Европын холбоо нь “AstraZeneca” компанитай вакцин нийлүүлэх гэрээ хийхгүй байхыг шаардсан тухай “Der Spiegel” бичсэн байна.
Гэрээ ёсоор “AstraZeneca” нь Европын холбоонд гуравдугаар сар дуусахаас өмнө 80 сая тун вакцин нийлүүлэх ёстой байж. Гэтэл гэрээгээ зөрчин 40 саяас илүү нийлүүлж чадахгүй болсон ийнхүү Европарламентын уурыг хүргэжээ. Ийм учраас цаашдаа Европын холбоог тус компанитай ахиж гэрээ байгуулах хэрэггүй гэж уриалж байгаа юм байна.
Үүнээс гадна “AstraZeneca” компанийг ядуу орнуудад вакцинаа илүү өндөр үнээр зарж байгааг Европарлментынгишүүн шүүмжилсэн байна. Бернд Ланге энэ талаар ярихдаа “AstraZeneca” нь Энэтхэгийн судалгааны төвтэй лицензийн гэрээ байгуулсан. Улмаар энэ төв нь Бразил, Саудын Арави, Өмнөд Африкт вакциныг 5,25 доллароор нийлүүлж байгаа атлаа Африкийн Угандад нь нэг тунг нь 7 доллароор зарж байна. Энэ бол Европын холбооны авч байгаа үнээс даруй гурав дахин өндөр байгаа хэрэг юм. Дэлхий даяар вакциныг хямд болгох дээр санал нийлж байгаа цагт энэ бол байж боломгүй зүйл” гэжээ. Иймд үнийн асуудал дээр Европарламент нь албадлагаар лицензжүүлэх ба албадлагаар түншлэх боломжийг ахин судалж үзэх ёстой гэсэн байна. Европын холбоо нэг тунг 2,17 доллароор авахаар тохиролцсон юм байна.
°C
Сэтгэгдэл (11)