АНУ-ын Ерөнхийлөгч Жо Байдены захиргаа нь тамхи үйлдвэрлэгч компаниудад Америкийн нутагт зарагдаж байгаа янжуур тамхи дах никотины агуулгыг бууруулах шаардлага тавих гэж байгаа тухай “The Wall Street”бичсэн байна. Хэрэв үнэхээр ийм шаардлага тавивал тамхи үйлдвэрлэгч компаниуд нь тамхин дах никотины хэмжээг дасал үүсгэхээргүй бага болгох ёстой болно. Түүнчлэн гаатай янжуурыг эрүүл мэндэд онцгой хортой гэж бүрэн хориглож магадгүй байгаа юм байна. Гэтэл Америкт жил болгон зарагддаг 226 тэрбум янжуурын 1/3 нь гаатай тамхи байдаг. Эдгээр шаардлагыг бүрэн хэрэгжүүлтэл нэлээд хэдэн жил болохоос гадна шүүхийн олон тооны зарга дагуулсан хууль зүйн ээдрээ үүсэж магадгүй гэдгийг шинжээчид анхааруулжээ.
Энэ мэдээлэл гарсны дараагаар тамхи үйлдвэрлэгч компаниудын хувьцааны үнэ огцом унасан байна. тухайлбал, “Marlboro” компанийн зах зээлийн үнэлгээ ганц өдрийн дотор зургаан тэрбум доллароор хямдарчээ. “Altria” компанийн хувьцаа 6,2 хувиар, “British American Tobacco” компанийн хувьцаа 6,7 хувиар, “Imperial Brands”-ийн хувьцаа бүр 7,15 хувиар тус тус унажээ.
Сэтгэгдэл (0)
Сэтгэгдэл бичигдээгүй байна