ЭМЯ: Сүүлийн 24 цагт коронавирусийн халдвар илрүүлэх зорилгоор 10,000 гаруй хүнээс буюу ихэвчлэн ойрын хавьтлуудаас шинжилгээ авахад 1,356 хүнээс халдвар илэрлээ. Ингэснээр халдварын тоо улсын хэмжээнд 35,354 болж байна. 1,356 тохиолдол нь Улаанбаатар хотод 1,190 орон нутагт 138, гадаадаас зөөвөрлөгдөн ирсэн 28 тохиолдол байна. Дөрөвдүгээр сарын 23-нд Сөүл-Улаанбаатар транзит онгоцоор Энэтхэг улсаас ирсэн МУ-ын нэг иргэнээс, мөн энэ сарын 23-ны өдөр Казахстанаас ирсэн манай улсын найман иргэнээс илэрсэн байна. Дөрөвдүгээр сарын 26-нд Энэтхэг улсаас ирсэн тус улсын 19 иргэнээс халдвар илэрсэн. Тухайн иргэдийн 18 нь Дорноговь аймагт тусгаарлагдаж байгаа бол нэг иргэн нь УБ хотод тусгаарлагдаж байна. Энэ сарын 26-ны өдөр Энэтхэг -Улаанбаатар чиглэлийн онгоцоор 72 хүн ирсэн бөгөөд 11 нь тус улсад эмчилгээ хийлгэж байгаад ирсэн МУ-ын иргэд байсан бол үлдсэн иргэд нь гадаадын иргэд байсан. Эх сурвалжийн мэдээллээр Энэтхэг улсын 60 нарийн мэргэжлийн техник инженерийн ажилчид нь Дорноговь аймгийн Алтанширээт сумын нутагт байрлах газрын тос боловсруулах үйлдвэрийн бүтээн байгуулалтын ажилд оролцохоор ирсэн гэх мэдээлэл байгаа юм.
25°C
Сэтгэгдэл (39)