2014 онд "Хэн нэгэн" иргэний хөрөг нэвтрүүлэгт таксины жолооч Т.Даваасүрэн оролцсноор түүнийг олон нийт сайн аав гэдгээр нь мэддэг болсон. Тэрбээр 2016 онд өвчний улмаас харамсалтайгаар амиа алдсан юм. Түүний эхнэр Д.Амаржаргал нөхрийнхөө дурсгалд зориулж сайн аав киног хийх санааг гаргаж "Сайн аав" кино 2017 онд хийгдсэн түүхтэй. Цэл залуухан гучин хэдхэн насандаа амьдралынхаа ханийг алдаж, таван хүүхэдтэйгээ үлдсэн амаржаргалд тэнгэр нурах шиг болж, хүүхдүүдийнхээ төлөө бүх хүчээ дайчилан хичээнгүйлэн амьдарч байна. Түүний гэр бүл дахин элэг бүтэн болж саяхан тэдний гэр бүл амьдралынхаа шинэ хуудсыг эхлүүлж, бяцхан хүүтэй болсон юм. Аав болон ах эгч нараа хооронд нь холбож гэр бүлд хайр дүүрэн гэрэлтэж ирсэн гэр бүлийн бяцхан гишүүндээ Э.Батхолбоо гэдэг нэрийг хайрлажээ.
Г.Энхмандахын гэр бүл үргэлж ярилцаж асуудлаа ойлголцлоор шийддэг. Г.Энхмандахын тухайд гэр бүлийн сэтгэлзүйч мэргэжилтэй учир хүүхдүүдтэйгээ ярилцаж ойлголцоход хялбар байдаг талаараа ярьж байлаа. Хүүхдүүдийг нас насаар нь , ааш зангийн оцлогоор нь харьцах нь хүүхдээ гомдоохгүй, үл ойлголцолд хүргэхгүй байх давуу талтайг хэлж байгаа юм.
Дунд охин Д.Эмүжин гэрийнхээ ажилд туслалцаж, дүүгээ харах, хоол ундаа хийх ажлуудыг хийдэг талаар ярив.
Том хүү Д.Мөнхжингийн тухайд энэ жил 10 дугаар ангийн сурагч. Даруухан, хичээлдээ маш сайн талаар аав нь хэлж байсан юм. Д.Мөнхжин гадаадад суралцах төлөвлөгөөтэй байгаа талаараа ярив.
Бага дүү нарынх нь тухайд бяцхан Батхолбоогоо харж, хичээлээ хийж, тоглож цагийг өнгөрөөдөг байна.
Гэр бүл бүхэн аз жаргалтай, элэг бүтэн, эвтэй найртай, хайраар дүүрэн байх болтугай.Та бүхэндээ эх үрсийн баярын мэндийг дэвшүүлж байна.
Бичлэг бүтнээр нь үзэх:
17°C