Л.Мөнхтүшиг: МУ-ын иргэд агаарын хилээр чөлөөтэй зорчих нөхцөл боломжийг нээхээр ГХЯ ажиллаж байна

Монгол Улс агаарын хилээ нээсэнтэй холбогдуулан Гадаад харилцааны яамны Консулын газрын дарга Л.Мөнхтүшиг мэдээлэл өглөө.

Манай улс агаарын хилээ өчигдөр нээж одоогоор 10 улстай харилцан зорчих боломжтой юм. Тодруулбал, Турк, АНУ, Арабын Нэгдсэн Эмират Улс, Грек, Тайланд, Индонези, Бразил, Египет, БНЭУ, Киргиз улстай харилцан хилээ нээлттэй болгоод байна. Харин ОХУ, БНХАУ, БНСУ, Япон зэрэг манай улстай хамгийн их  харилцан зорчдог улсуудтай агаарын хил нээх асуудлаар дипломат шугамаар яриа, хэлэлцээ хийж байгаа юм байна.