Францын Ерөнхийлөгч Эммануэль Макрон нь энэ сарын 8-нд Дром мужид айлчилж, нутгийн иргэдтэй уулзах үеэрээ алгадуулсан хэрэг гарсан нь Францын хэвлэл мэдээллийн хэрэгслүүдийн гол сэдэв болоод байна. Ерөнхийлөгч намхан төмөр хашлагийн цаана цугласан нутгийн иргэдэд дөхөн юм ярилцах зуур нэг хүнтэй гар барьж хэдэн үг сольтол нөгөөх нь түүнийг хүчтэй алгадсан юм. Энэ хэргийн дараа хоёр хүнийг баривчлаад байгаа. Тэгвэл баривчлагдсан хүмүүсийн гэрт нэгжлэг хийх явцад Гитлерийн “Майн кампф” ном гарч ирсэн байна. Макроныг алгадсан Дамьены хамсаатан Артур С гэгч энэ хүний гэрээс мөнө зэвсэг гарч ирсэн байна. Харин хэргийн эзэн Ерөнхийлөгчөө алгадах болсон шалтгааны талаар тодруулахад “Ард түмний үгийг сонсдоггүй Ерөнхийлөгчөөс залхаад” гэжээ. Мөн 2017 онд Макроны хэлж байсан “Францын соёл гэж үгүй, харин Франц дах соёл гэж бий бөгөөд тэр соёл олон янз хэлбэр янзтай байдаг юм” гэсэн үгний эхний хэсгийг тогтоож аваад, Францыг өөрийн гэх соёлгүй гэлээ гэж их уурлаж, бухимдаж явдаг байсан тухай танилууд нь ярьжээ.
Харин Макрон өөрийг нь алгадсан хүмүүсийг шүүмжлээд, биед нь халдсан явдлыг “цор ганц тохиолдол” гээд онц анхаарч, дөвийлгөх хэрэггүй гэжээ.
24°C
Сэтгэгдэл (0)
Сэтгэгдэл бичигдээгүй байна