Б.Мөнхзаяа 45-р байрт шалгарлаа

Токио-2020 олимпын наадмын марафоны эмэгтэй төрөл болж өндөрлөлөө. 

Марафоны уралдаан Хоккайдо арлын Саппоро хотноо орон нутгийн цагаар өглөөний 05:00 цагт эхэлсэн бөгөөд манай тамирчин Баярцогтын Мөнхзаяа  2 цаг 37.08 мин-н амжилт үзүүлж 45-р байранд шалгарлаа.  
Зохион байгуулагчид аагим халуунаас тамирчдыг сэргийлж өглөөний сэрүүн цагийг сонгосон байна. Уралдаанд нийт 88 тамирчин гараанаас гарснаас 73 тамирчин замаа дуусгасан. Эмэгтэй марафоны төрөлд Кенийн тамирчин Перес Чэпчирчир 2 цаг 27.20 мин-н амжилт аар тэргүүн байр эзэлж алтан медаль хүртсэн бол Кени, Америкийн тамирчин мөнгө, хүрэл медаль хүртжээ.