Токио-2020 олимпын наадмын сагсан бөмбөгийн эрэгтэй төрөлд Америкийн шигшээ баг түрүүллээ. Аваргын алтан медалийн төлөө 87-82 харьцаагаар Францын шигшээ багийг буулгаж авсан.
Грег Поповичийн удирдсан Америкийн шигшээ баг 2019 оны сагсан бөмбөгийн ДАШТ-д медалиас мултарч 2002 оноос хойш хамгийн муу амжилтаа үзүүлээд байсан. Мөн Токиогийн олимпын наадмын эхний тоглолтоо Францтай хийж 83-76 харьцаатай хожигдоод байсан. Энэ мэт таагүй нөхцөл байдалтай олимпын наадмыг эхлүүлсэн ч Грег Попович дасгалжуулагчтай, Кевин Дюрантаар удирдуулсан Нэгдсэн Улсын эрэгтэй сагсан бөмбөгчид оргилд нь байсаар байгаа гэдгээ харуулж аваргын алтан медалийг хүртлээ. АНУ-ын эрэгтэй шигшээ баг 2008, 2012, 2016, 2021 гэсэн дөрвөн олимп дараалан түрүүлж байна.
Шигшээ багийн бүрэлдэхүүн:
Төв
- Жавел МкГи
- Бэм Адэбайо
Дотлогч
- Келдон Жонсон
- Жерами Грант
- Крис Миддлтон
- Жэйсон Тэйтум
- Дрэймонд Грийн
- Кевин Дюрант
Хамгаалагч
- Зак Лавин
- Жру Холидэй
- Дэвин Бүкер
- Дамиан Лиллард
Сэтгэгдэл (0)
Сэтгэгдэл бичигдээгүй байна