Элсэлтийн ерөнхий шалгалт өнөөдөр Монголын түүх хичээлээр эхэлсэн. Улмаар шууд засалтын систем Монголын түүх хичээлийн шалгалт өгсөн сурагчдын нийт дүнг нэгтгэн, боловсруулж дуусчээ.
Энэ жилийн Монголын түүх хичээлийн шалгалтад хамгийн өндөр буюу 92 оноо авсан зургаан шалгуулагч нь бүгд орон нутгийн сурагчид байгаа бол нийслэлийн сурагчдын хамгийн өндөр оноо нь 85 байна.
Монголын түүх хичээлийг 1696 шалгуулагч сонгосон ч 1258 нь шалгалтад орсон бөгөөд ирц 74.1 хувьтай байжээ. Шалгалтад оролцоогүй сурагчдын ихэнх нь өмнөх онуудын төгсөгчид байжээ. Одоогоор ЭЕШ-тай холбоотой ямар нэгэн гомдол санал ирээгүй байна.
ЭЕШ-ын шалгуулагчид дүн оноогоо http://live.eec.mn/ цахим хаягаар шууд үзэх боломжтой. Яг одоо Англи хэлний хичээлийн шалгалт үргэлжилж байгаа бөгөөд шалгалтын дүн 15:30 цаг орчимд гарч эхлэх юм.
Боловсрол, шинжлэх ухааны яам
Сэтгэгдэл (0)
Сэтгэгдэл бичигдээгүй байна