Булганчуудын сэтгэл, хөдөлмөр шингэсэн ХАА-н бүтээгдэхүүний үзэсгэлэн худалдаа болно

Эзэн Чингисийн талбайд энэ сарын 08-10 өдрүүдэд Булганчуудын сэтгэл, хөдөлмөр шингэсэн Хөдөө аж ахуйн бүтээгдэхүүний үзэсгэлэн худалдаа болно. Тодруулбал, Булган аймгийн Засаг даргын “Шинэ хөгжлийн зам” мөрийн хөтөлбөрийг хэрэгжүүлэх, ногоон эдийн засгийг хөгжүүлэх цогц бодлогын хүрээнд тус арга хэмжээг Улаанбаатар хотноо зохион байгуулах гэж байна.

Малчид айргаа аваад ирнэ, ногоочид ногоогоо бариад ирнэ, үйлдвэрлэгчид брэндүүдээ савлаад ирнэ. Улаанбаатарчуудыг урьж байна. 

• 2021.10.08 өдөр Монгол улсад суугаа Элчин сайдын яамдууд, Олон улсын байгууллагууд, Төсөл хөтөлбөрүүдтэй хийх “GO GREEN” уулзалт
• 2021.10.09 өдөр Улаанбаатар хотод үйл ажиллагаагаа явуулж буй Булган аймгийн Бизнес эрхлэгч нар, Төр захиргааны байгууллагынхантай хийх "ХАМТЫН АЖИЛЛАГААТАЙ БУЛГАНЧУУД" уулзалт МҮХАҮТанхим, 1 давхар, Их танхим
• 2021.10.08-10 өдрүүдэд Чингис хааны талбайд (Хуучнаар Д.Сүхбаатарын талбай) Булган нутгийн АЙРАГ, ОРГАНИК НОГОО, БУЛГАН БРЭНДҮҮД + Соёлын хөтөлбөртэй "AIRAGDAY EXPO" худалдаа
• 2021.10.09-10 өдрүүдийн орой бүр Их Монгол уушийн өргөө, Grand Khaan Irish Pub-д болох "AIRAGDAY FESTIVAL"-д та бүхнийг морилон саатахыг урья. (Айраг + Амьд хөгжим + Монгол наадаан хөтөлбөр)

Зохион байгуулагч: Булган аймгийн ЗДТГ
Хамтран зохион байгуулагч: Нийслэлийн ЗДТГ, ХХААХҮЯам, БОАЖЯам, Хотол Булган хамтын ажиллагаа ТББ

Мэдээллийг 94228687, 99717168, 91916122 дугаараас лавлана уу.