7 ХОНОГИЙН ТОЙМ: Эх нялхаст гурван ихэр хүүхэд мэндэллээ

О.Шүрэнцэцэг
2021/10/09

Өнгөрөгч долоо хоногт болсон онцлох үйл явдлуудыг түүвэрлэн хүргэж байна.

Өнгөрөгч /2021.10.05/ оройноос эхлэн иргэд шатахуунд дугаарлаж эхэлсэнтэй холбогдуулан уг асуудлаар манай сэтгүүлч Уул уурхайн сайд Г.Ёндонгоос зарим зүйлийг тодрууллаа. Тэрбээр "Шатахууны хомстол үүсээгүй. ААН-үүдтэй өнөөдөр уулзсан байсан. Шатахууны нөөц 5 хоног байгаа. Яваандаа 6,7,8 гээд өсөөд явна. Учир нь ОХУ-аас АИ-92 шатахуунаа нийлүүлнэ. Зохиомол хомстол үүсгэхийг оролдсон гэж ойлгож болно" гэсэн юм.


Харин "Сод монгол групп" ХХК-ийн Гүйцэтгэх захирал Ц.Пүрэвренчин ОХУ-ын Роснефьт компаниас ачигдах АИ-92 автобензиний ачилтууд хязгаарлагдан багасч байгаа тул дараахь тушаалыг гаргасан байна. 

Ц.Анандбазар: Дахин шатахууны хомсдол үүсэхгүй, манайх 10 хоногийн шатахууны нөөцтэй

"Сод монгол групп" ХХК шатахууны нөөцөө багасгана гэх мэдээллийн дагуу иргэдийн дунд дахин шатахуун хомсдож магадгүй гэсэн болгоомжлол бий болоод байгаа юм. Тус компанийг үүсгэн байгуулагч, УИХ-ын гишүүн Ц.Анандбазараас энэ талаар тодрууллаа. 


Олон хүн бөөгнөрүүлсэн Б.Болор-Эрдэнэд сануулга өгчээ

Харилцаа холбоо, мэдээллийн технологийн газрын дарга Б.Болор-Эрдэнийг "Цахим үндэстэн" арга хэмжээг зохион байгуулсантай холбоотойгоор хуулийн байгууллага шалгаж эхэлсэн гэх мэдээлэл гараад байсан. Гэвч энэ талаар Авлигатай тэмцэх газраас  түүнийг "шалгаагүй" гэж мэдэгдсэн юм. Тэгвэл  Засгийн газрын хэрэг эрхлэх газрын дарга Ц.Нямдорж Б.Болор-Эрдэнэд сануулга өгсөн тухайгаа хэллээ.

Ц.Билэгтсайхан: Гурав дахь тунг хийлгэсэн 320 мянган хүний нэг хувь нь халдвар авсан

ХӨСҮТ-ийн захирал Ц.Билэгтсайханаас коронавирусийн нөхцөл байдал болон вакцины гурав дахь тунгийн талаар тодрууллаа. 

Халдварын гурав дахь давалгааг эсэн мэнд, хохирол багатай даван туулахын тулд олон арга хэмжээнүүд яригдаж байна. Эдгээрээс хамгийн чухал нь нэмэлт тун буюу гурав дахь тунг эрчимжүүлэх чиглэл гарлаа. Хоёр тунгийн дараа дархлаа хэр тогтож байна вэ гэдгийг судалсан. Манайд хэрэглэж буй дөрвөн төрлийн вакцинаас хос тунгаа авахад 14 хоногийн дараа эсрэг биеийн түвшин хамгийн өндөр түвшинд очиж байна. Улмаар хугацаа өнгөрөх тусам буурдаг. Дархлааны хариу урвал өрнүүлэх босго утга гэж бий. Тэр босго утга руугаа буурвал дахин дархлааг сэргээх шаардлагатай болно. Энэ үед дархлааг шинээр сэргээх гурав дахь тунг хийх асуудал яригдаж байгаа юм. 


М.Энхболд: 60 тэрбумын хэргээр намайг шалгаагүй, улс төрийн явуулга байсан

УИХ-ын дарга асан М.Энхболд  "Тэрбум мод" аянд нэгдэж, намын гишүүдтэй хамтран мод тарьлаа. Энэ үеэр 60 тэрбумын хэргийн талаар манай сэтгүүлч асуулт асууллаа.

Тэрбээр "60 тэрбумын гэгдэх асуудал бол ор үндэслэлгүй, тухайн үед би байгаагүй. Энэ бол улстөрийн зорилготой зүйл болсон. Би одоо улс төрийн намын Удирдах зөвлөлийн гишүүнээр ажиллаж байгаа. Дараагийн сонгуульд дэвших эсэхийг хувь хүн яриад байх асуудал биш. Улс төрийн нам өөрөө шийддэг" гэх байр суурийг илэрхийлжээ.


Сайхан мэдээ: Эх нялхаст гурван ихэр хүүхэд мэндэллээ

Эх хүүхдийн Эрүүл мэндийн Үндэсний төвд энэ сарын /2021.10.07/ гурван ихэр хүүхэд мэндэллээ. Тодруулбал  Э.Алтанхундага иргэний гэргий Т.Даваажаргал амаржиж хоёр дахь төрөлтөөрөө  хоёр хүү, нэг охин төрүүлж тэдний гэр бүл хоёр охин, хоёр хүүтэй боллоо. 


Эрүүл мэндийн сайд С.Энхболд: Гэртээ нас барсан 55 тохиолдол бүртгэгдсэн

Манай улсад 2019 оны 11 дүгээр сараас хойш 2021 оны 10 дугаар сарын 4-ний өдрийн байдлаар коронавируст халдварын 412 954 тохиолдол бүртгэгдэж, 1289 хүн нас барсан ба халдварын нийт тохиолдлын тоонд нас баралтын эзлэх хувь 0.31 байна. 

Эрүүл мэндийн сайд С.Энхболд: Гэрээр эмчилгээ авч байгаад нас барсан хүний тоо улсын хэмжээнд 55 байна, эмнэлэгт ор нэмэх боломжгүй, хүний нөөцийн боломж ч хомс байна, гэрийн эмчилгээний хяналт сайн хийгдэж байгаа, нөхөн сэргээх эмчилгээний удирдамжийг сайдын тушаалаар батлахаар боловсруулсан гэж хариуллаа.


ХӨСҮТ-ийн Сэхээний тасгийн таазны шохой нь дээрээс унахад бэлэн байна

ХӨСҮТ нь 1986 онд баригдсан, гэтэл сүүлийн хоёр жилийн хугацаанд урсгал засвар хийгдэж 15 хувийг л засаж сайжруулсан байна. Өөрөөр хэлбэл ХӨСҮТ-ийн  85-90 хувь нь 1986 оныхоо төрхөөр эмнэлгийн тусламж үйлчилгээ үзүүлж байна. Нэн түрүүнд хоёр асуудлыг шийдэх шаардлагатай байгааг албаны хүмүүс онцоллоо. Нэгдүгээрт, ерөнхий сантехник, агааржуулалт, цахилгааны асуудал, хоёрдугаарт цэвэрлэх байгууламжийг шинэчлэх шаардлагатай  байна. ХӨСҮТ-д Улсын төсвөөс 2020 онд 800 гаруй сая төгрөгний засварын ажил хийгджээ. Харин энэ онд  1,5 тэрбум төгрөгийн засвар хийгдэхээр төлөвлөгдөж байгаа аж.

Г.Оюун: Хүн хаана амьдрах нь чухал биш, байгаа орчноо өөд татаад сайхан амьдрах бүрэн боломж бий

Манайхыг Хүн бүр хотоос зайдуу буйдхан гэдэг ч бид гэрээ хэзээ ч хол гэж боддоггүй хэмээн ярих гэр бүл бол Баянхошуунд амьдардаг Л.Мөнх-эрдэнэ, Г.Оюун нарынх.Тэдний хашаа нь Монгол бичиг, түүхийн баатруудын зургаар чимэглэгдсэн бөгөөд дэлгүүрт нь ороход найрсаг халуун дулаан уур амьсгалаар угтан авсан юм. Гэрийн эзэн Л.Мөнх-Эрдэнийн хувьд архитектур мэргэжилтэй бөгөөд, эхнэр нь зураач мэргэжилтэй. Тэд ярилцаж хашаагаа тохижуулах болсноор эхнэр нь хашааныхаа ханан дээр баатруудын зураг зурж, босоо бичгээр бичин сонирхол татам болгожээ.







0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Наадмаар үйлчилгээ эрхлэх хүсэлтийг маргаашаас эхлэн цахимаар хүлээн авна 26 минутын өмнө
МҮМУУХ: Уяачдын маргааныг хуулиар хааж чадлаа, одоо уяачдын ухамсараас их зүйл хамаарна 31 минутын өмнө
АМГТГ: Улсын хэмжээнд баяр наадмын өдрүүдэд шатахууны нөөц хангалттай, хомсдол тасалдал үүсэхгүй 37 минутын өмнө
Тавантолгой түлш: “Цагаан толгойн нуур” ХХК-тай холбогдох уг ослыг хууль, хяналтын байгууллага шалгаж байгаа 1 цагийн өмнө
С.Чинзориг: Улсын нийслэл Улаанбаатарыг өөрчлөх асуудал Үндсэн хуулиар яригдаж байгаа 2 цагийн өмнө
Ц.Идэрбат: ЭЕШ-даа өндөр оноо авсан хүүгийн маань амжилтыг улстөржүүлсэнд харамсч байна, шалгуулна 2 цагийн өмнө
Завхан аймагт дулааны эх үүсвэрийг нэмэгдүүлж, Арцсуурь-Нарийнсухайт -Шивээхүрэн чиглэлийн 1255 км төмөр замын төслийг эхлүүлнэ 3 цагийн өмнө
Д.Амарбаясгалан: Одоогийн сонгуулийн тогтолцоо манай намд үр ашгаа өгчихсөн учраас бид одоо бусад намаа бодох хэрэгтэй 3 цагийн өмнө
Д.Амарбаясгалан: Хөгжлийн банканд нэр холбогдсон гишүүд насан туршдаа МАН-аас нэр дэвших эрхгүй болсон 3 цагийн өмнө
Л.Оюун-Эрдэнэ: Тавантолгойтой холбоотой луйврын асуудал удахгүй зогсоно, би зорилгоосоо алхам ч ухрахгүй 3 цагийн өмнө
Б.Энхбаяр: Иргэдтэй уулзахад үнийн өсөлтөд их бухимдаж байна 4 цагийн өмнө
Д.Сумъяабазар: Улаанбаатарыг олон улсын зэрэглэлтэй хот болгох зохицуулалтыг Үндсэн хуульд оруулах нь зүйтэй 4 цагийн өмнө
ЭМЯ: Улсын хэмжээнд 41 халдвар шинээр бүртгэгдлээ 5 цагийн өмнө
БҮТ: Монгол хэл, бичгийн шалгалтад босго оноо давж чадаагүй 1180 хүн байна, найман сард хэл, бичгийн шалгалтыг дахин явуулна 5 цагийн өмнө
"Багануур" ХК-ийн захирал Э.Номинчулуун нарын хэргийг прокурорт шилжүүллээ 5 цагийн өмнө
МАН-ын бүлэг хуралдаж, гишүүдийн тойрогтоо ажилласан саналыг сонсоно​​ 5 цагийн өмнө
Гашуунсухайт боомтоор өдөрт хил нэвтрэх нүүрс экспортын тээврийн хэрэгслийн тоо 500-г давлаа 5 цагийн өмнө
Цогт сумын засаг дарга үлийн цагаан устгах нэрийдлээр 15 сая төгрөг зориулалтын бусаар зарцуулжээ 5 цагийн өмнө
ЭЕШ-д 208 шалгуулагч 800 оноо авлаа 5 цагийн өмнө
Я.Содбаатар: Хүнсний аюулгүй байдал алдагдсан 5 цагийн өмнө