Чингис хаан олон улсын нисэх буудалд Туркын Станбулын чиглэлээс 2021 оны 10 дугаар сарын 6-ны өдөр ирсэн зорчигч гар тээшиндээ 18.4 кг алт, монет, мөнгөн эдлэлийг гаалийн байгууллагад мэдүүлэлгүй татвараас зайлсхийсэн зөрчлийг гаалийнхан илрүүлэн шалгаж байна.
Уг зорчигч гаалийн хяналтын бүсээр нэвтрэхдээ үнэт эдлэлээ шалгалтаас нууж авч гарахыг завдах үед нь гааль дээр саатуулж, зөрчлийн хэрэг нээн шалгаж байна.
Дашрамд дурьдахад энэ оны 08-р сарын 01-ний өдрөөс 10-р сарын 01-ний өдрийг хүртэлх хугацаанд БНСУ, БНТУ-аас ирсэн зорчигчид Монгол Улсын хилээр орохдоо 28.5 кг алт, монет, мөнгөн эдлэлийг нисэх буудлын эд хогшилд нуух, биедээ болон ачаа тээшиндээ нуун далдлах зэргээр хууль бусаар нэвтрүүлэхийг завдсан үйлдлийг хууль, хяналтын байгууллагуудтай хамтран шалгаж холбогдох торгууль шийтгэлийг гаалийн байгууллагаас оногдуулжээ.
Сэтгэгдэл (0)
Сэтгэгдэл бичигдээгүй байна