2021/12/08
USD 2,811

2-7 удаагийн мал хулгайлах гэмт хэрэгт ял шийтгэгдэж байсан бүлэг этгээдүүдийг саатуулжээ

О.Шүрэнцэцэг
2021/10/23

Налайх дүүргийн нутаг дэвсгэрт 2021 оны 10 дугаар сарын 21-ний өдрийн 22.00 цагийн орчим Эрүүгийн цагдаагийн алба, Төв, Хэнтий аймаг дахь цагдаагийн газар болон Налайх дүүрэг дэх цагдаагийн хэлтсийн алба хаагчид хамтран урьд нь 2-7 удаагийн мал хулгайлах гэмт хэрэгт ял шийтгэгдэж байсан “А”, “Д”, “М”, “А”, “Б” нарын бүлэг этгээдүүдийг бусдын 6 тооны бод малыг хулгайлан тээвэрлэж явахад саатуулан үйлдэл дээр нь баривчилсан.

Урьдчилсан байдлаар уг этгээдүүд нь 10 хоногийн өмнө Хэнтий аймгийн Дэлгэрхаан сумын нутаг дэвсгэрээс бусдын 9 тооны үхэр хулгайлж, нядалж зарсан нь тогтоогдоод байна.
Иймд хүйтний улирал эхэлж, иргэд идшээ бэлтгэх энэ цаг үед малын хулгайн гэмт хэрэг өсөх чиг хандлагатай байдаг тул мал бүхий иргэд Та бүхэн өөрсдийн эд хөрөнгө, цаашлаад үндэсний баялаг болсон мал сүргээ байнгын хариулга, маллагаатай байлгахыг цагдаагийн байгууллагаас анхааруулж байна.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.90.242
Төсвийн мөнгө хулгайлж идээд байгаа томчуудыг яах вэ.
Хариулах
203.91.115.50
Нэг сумын залуус малын хулгайчийг барьж аваад өрөөсөн төмсгийг нь төхөөрцөн хэрэг өмнө нь гарж байсан байхаа )))
Хариулах
66.181.161.101
Ажилгүй залуус нь хулгайч. Ард түмнээс сонгогдсон гишүүд нь бас л хулгайч энэ Монгол Улсад минь байдал хэцүү байна даа.
Хариулах
69.138.231.52
Гар нь татаасай муусайн хулгайчууд
Хариулах