2022/01/22
USD 2,811

“СИТИ” Их сургууль “НЭПКО” ХХК хамтран ажиллах Санамж бичиг байгууллаа


СИТИ” Их сургууль “НЕПКО” ХХК нийгмийг соён гэгээрүүлэх зорилтын хүрээнд эрдэм шинжилгээ, сургалт, судалгааны ажлыг хамтран зохион байгуулах хамтын ажиллагааны санамж бичиг байгууллаа.

 Санамж бичигт “НЕПКО” ХХК-ийн Удирдах зөвлөлийн дарга Б.Батбаяр, “СИТИ” Их сургуулийн Удирдах зөвлөлийн дарга Д.Мөнх-Эрдэнэ нар гарын үсэг зурж баталгаажуулснаар хамтын ажиллагаа ийнхүү эхлэв.

 Талууд хамтын ажиллагааны хүрээнд эхний ээлжинд “СИТИ” Их сургуулийн Барилга, архитектур, дизайны сургуулийн хэвлэлийн дизайн, график дизайны хөтөлбөрт суралцагчдыг дадлага хийлгэх ажлыг зохион байгуулах,  уг мэргэжлээр суралцан төгсөгчдийг ажлын байраар хангах, гадаадын ижил төстэй үйл ажиллагаа явуулж буй аж ахуй нэгж, байгууллагуудтай төсөл, хөтөлбөр хэрэгжүүлэхэд хамтран ажиллах юм.

Хамтын ажиллагааны санамж бичиг гурван жилийн хугацаанд хүчин төгөлдөр үйлчлэх бөгөөд санамж бичигт гарын үсэг зурах үеэр талууд байр сууриа илэрхийлэв.  

 “СИТИ” Их сургуулийн Удирдах зөвлөлийн дарга Д.Мөнх-Эрдэнэ:  Манай үндэсний хэвлэлийн голлох компани, дэлхийн шилдэг номнуудыг олон улсын жишиг стандартын дагуу хэвлэж, танин мэдэхүйн ертөнцөөр оюутан, залуусыг аялуулж, соён гэгээрүүлж буй “НЭПКО” компанитай хамтран ажиллах болсондоо баяртай байна. Санамж бичигт заасан хамтын ажиллагааны хүрээ маш тодорхой бөгөөд бид “НЭПКО” компани, брэндтэй хамтарч “СИТИ” Их сургуулийнхаа оюутнууд руу чиглэсэн олон төсөл, арга хэмжээг хэрэгжүүлнэ. Мөн түүнчлэн манай бэлтгэж буй мэргэжлийн чиглэл, хөтөлбөрийн хүрээнд хамтран дэлхийн шилдэг номнуудыг эх хэлээрээ эрхлэн гаргах боломжийн талаар ярилцаж байна.

 “НЕПКО” ХХК-ийн Удирдах зөвлөлийн дарга Б.Батбаяр: 20 гаруй жилийн түүхтэй “СИТИ” Их сургуультай 15 жилийн түүхтэй “НЕПКО” ХХК хамтран ажиллахаар болж байна. Хувийн хэвшлийн их дээд сургуулиуд дундаа олон чиглэлээр чанартай боловсон хүчин бэлтгэж байгаа нь хамтарч ажиллах хөшүүрэг боллоо. Манай компанид тус сургуулийн оюутнууд дадлага хийх цаашлаад ажилд орох боломж бүрдэнэ. Их сургууль өөрөө энэ чиглэлээр оюутан бэлтгэж байгаа нь давуу тал. Ном бэлтгэнэ гэдэг  өөрөө урлаг юм. Тус сургуульд дизайны чиглэлээр сурч байгаа оюутнууд манай компанид дадлага хийх, ажиллах боломж нээгдэж байна. Энэ салбарт ажиллах боловсон хүчин дутмаг байдаг. Цаашид хамтын ажиллагааны хүрээнд бид боловсон хүчин хүний нөөцөө бүрдүүлэх зэрэг олон  давуу талууд байна хэмээн байр сууриа илэрхийлсэн юм.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
122.201.23.219
Маш сайн байна. Мундаг.
Хариулах
122.201.23.219
Дэлхийн шилдэг номуудыг түгээж, залуу үеийг соён гэгээрүүлж байгаа НЭПКО компани мундаг.
Хариулах
202.126.94.99
Яасан их худлаа шоуддаг болчихов оо?! Улс терчид боловсролд орж ирэхээр ийм марзан юм болоод бацх юм!!!
Хариулах
124.158.69.35
залуу үеийг хятаджуулах бодлого эрчимжиж байна.энэ бол үндэсний бие даах,тусгаар тогтноход онц аюултай үйл явдал болж байна даа.Сити сургууль хятад буюу хятадын эрлиизүүдийн мэдэлд байдаг юм болж таарч байна.Бааварыг олон хүүхэд залуучуудруу их ойртуулж болохгүй хүн гэж НАХЯ-ны ахмад ажилтан байсан Совд,Даваадэмбэрэл гуай хэлж сануулж байсан юм.
Хариулах