Эрүүл мэндийн яамнаас долоо хоног бүрийн Баасан гаригт Covid-19-тэй холбоотой ээлжит мэдээллийг хүргэж байгаа билээ.Энэ үеэр Эрүүл мэндийн яамны Судалгаа, төлөвлөлтийн хэлтсийн дарга Б.Бумдэлгэр мэдээлэл өглөө.
Тэрбээр "Өмнө нь вакцины дархлаа зургаан сар орчим тогтоно хэмээж байсан бол сүүлийн үеийн судалгаагаар дархлаа тогтоц дөрвөн сар хүртэл хугацаагаар үргэлжилж байна. Түүнээс хойш эсрэг биеийн титр тодорхойлогдохгүй байна гэх үр дүн гарлаа. Үүнийг үндэслээд коронавирусийн эсрэг вакцины дархлал тогтоц яагаад богино хугацаатай байгааг судалж эхэллээ.
Монгол Улсад вакцинжуулалтын дараах дархлаа тогтоц 80-аас дээш хувьтай гарчээ. Монгол Улсад хийж буй вакцины үр нөлөө өндөр, эсрэг бие үүсгэж байгааг эрдэмтэн судлаачдын судалгаа харуулж байна. Вакцины үр нөлөө 72 хувьтай байгаа бөгөөд нас баралтаас 90 хувь хамгаалж байна. Дельта вирусийн давалгаа алсдаа буурах хандлагатай. Өвчлөл, нас баралтын харьцаа 0.5 хувьтай байгаа нь маш бага үзүүлэлт. Цар тахлын гурав дахь давалгаанд нас баралт нэг түвшинд байна.
Монгол Улс нийт хүн амын 67.7 хувийг вакцинжуулалтад хамруулсанаар халдварын тархалт харьцангуй хумигдаж байгаа" гэв.
Сэтгэгдэл (0)
Сэтгэгдэл бичигдээгүй байна