Түрээсийн байранд амьдардаг иргэд монгол гэртэй боллоо

Дархан хотын 60 жилийн ойг тохиолдуулан УИХ-ын гишүүн, Аюулгүй байдал, гадаад бодлогын байнгын хорооны дарга Б. Баттөмөрийн гэр бүл, аймгийн ЗДТГ-тай хамтран 10 өрхөд 5 ханатай Монгол гэр бэлэглэлээ. Дээрх 10 өрхөд Нийтийн аж ахуйн үйлчилгээний газрын ажилтан, аймгийн Нэгдсэн эмнэлгийн сувилагч, 4 дүгээр сургуулийн үйлчлэгч, хөгжлийн бэрхшээлтэй хүүхэдтэй иргэн, өрх толгойлсон ээж гээд амьдралынхаа төлөө тэмцэж яваа иргэд багтаж байгаа юм. Өргөө цагаан гэрээ хүлээн авсан иргэд цаашид улам илүү хичээж, үр хүүхдээ эрдэм боловсролтой ирээдүйд ихийг бүтээсэн иргэн болгож төлөвшүүлэхээ хэлж байсан юм.