2021/12/06
USD 2,811

​Засгийн газрын ээлжит хуралдаанаар дараах асуудлуудыг хэлэлцэн шийдвэрлэлээ

О.Шүрэнцэцэг
2021/11/03

Засгийн газрын ээлжит хуралдаан 2021 оны арваннэгдүгээр сарын 03-нд болж дараах асуудлуудыг хэлэлцэн шийдвэрлэлээ.  

 Шүгэл үлээгчийн эрх зүйн байдлын тухай анхдагч хуулийн төслийг УИХ-д өргөн барина 

  Шүгэл үлээгчийн эрх зүйн байдлын тухай анхдагч хуулийн төслийг хэлэлцээд УИХ-д өргөн мэдүүлэхээр тогтлоо. Төрийн болон хувийн хэвшлийн аж ахуйн нэгж, байгууллагын үйл ажиллагааг шүүмжилсэн, мэдээлсэн, илчилсэн тохиолдолд хууль зүйн хариуцлагад татах, дарамтлахаас мэдээлэгчийг хамгаалах, шүгэл үлээгчдийг аливаа өс хонзон, гэмт хэргийн хохирогч болохоос сэргийлэх эрх зүйн зохицуулалтыг бий болгох үүднээс уг анхдагч хуулийн төслийг боловсруулсан байна. Хуулийн төсөл нь 5 бүлэг, 22 зүйлтэй бөгөөд нийтийн ашиг сонирхлын төлөө шүгэл үлээсэн шүгэл үлээгчийг дэмжих, хамгаалах, урамшуулах, түүний эрх зүйн байдлыг дордуулсан шинжтэй аливаа үйлдлээс урьдчилан сэргийлэхтэй холбогдсон харилцааг зохицуулах юм. Хуулийн төсөлтэй холбогдуулан Гэрч, хохирогчийг  хамгаалах тухай хуульд нэмэлт,  өөрчлөлт оруулах тухай, Эрүүгийн тухай хуульд нэмэлт оруулах тухай, Зөрчлийн тухай хуульд нэмэлт оруулах тухай, Зөрчил шалган шийдвэрлэх тухай хуульд нэмэлт оруулах тухай зэрэг хуулийн төслийг тус тус боловсруулжээ.      

Эм, эмнэлгийн хэрэгслийг улсын хилээр нэвтрүүлэх хилийн боомтын тоог нэмэгдүүллээ  

 “Эм, эмнэлгийн хэрэгслийг улсын хилээр нэвтрүүлэх хилийн боомтыг тогтоох тухай” Засгийн газрын тогтоолд нэмэлт орууллаа. Ингэснээр Алтанбулаг, Замын-Үүдээс гадна Гашуунсухайт, Ханги боомтоор эм, эмнэлгийн хэрэгсэл, тэдгээрийн түүхий эдийг татан авах боломжийг нэмэгдүүллээ. Манай улс эм, эмнэлгийн хэрэгсэл, дотоодын үйлдвэрлэлийн түүхий эд, туслах материалыг БНХАУ, ОХУ, БНСУ, БНЭУ-аас импортолдог.  БНХАУ-ын Эрээн боомт түр хугацаагаар хаагдсантай холбоотой 2021 оны аравдугаар сарын 28-ны өдрийн байдлаар Эрээн боомтод ханган нийлүүлэх 17 байгууллагын 37 ачаа, Тяньжин боомтод 14 байгууллагын 21 ачаа саатаад байна.

  

Бараа, бүтээгдэхүүний үнийн өсөлт,  инфляцтай холбоотойгоор дараах ажил, арга хэмжээг зохион байгуулна 

 Бараа, бүтээгдэхүүний үнийн өсөлт, инфляцид үзүүлэх нөлөөллийн талаар Хүнс, хөдөө аж ахуй, хөнгөн үйлдвэрийн сайд З.Мэндсайхан Засгийн газрын  хуралдаанд мэдээлэл хийсэн байна. Үүнтэй холбогдуулан дараах арга хэмжээг авч хэрэгжүүлэхээр болов. Төмс, хүнсний ногооны дотоодын хэрэгцээг хангах зорилгоор механикжсан агуулахыг нийслэлийн өмчид шилжүүлэн авч, удирдлага, менежментийг хариуцан ажиллах: Нийслэлийн хүн амын хүнсний хэрэгцээг хангах зорилгоор 11,12 дугаар сард махны өргөтгөсөн худалдааг хүртээмжтэйгээр 30-аас доошгүй байршилд зохион байгуулах, шуудан хүргэлтийн үйлчилгээг ашиглан айл өрхөд өвлийн идшээ татан авах нөхцөлийг бүрдүүлэх: Хүн амын хаврын хүнсний хэрэгцээнд зориулан махны нөөц бүрдүүлэх, худалдан борлуулах ажлыг зохион байгуулах: Хөдөө аж ахуйн корпораци байгуулах, уг байгууллагаар дамжуулан хүн амын хүнсний хэрэгцээнд зориулан махны нөөц, улаан буудайн нөөц бүрдүүлэх замаар үнийн тогтвортой байдлыг хангах, шаардлагатай санхүүжилтийн эх үүсвэрийг бүрдүүлэх Эрчим хүчний үнэ тарифыг 2022 оны зургадугаар сарын 01 хүртэл нэмэгдүүлэхгүй байх, Хүнсний бүтээгдэхүүн, хүнсний сав баглаа боодол, бусад нэн шаардлагатай бараа, бүтээгдэхүүнийг Гашуунсухайт, Ханги, Бичигт боомтоор нэвтрүүлэн, импортлоход аймгийн мэргэжлийн хяналтын газрын итгэмжлэгдсэн лабораторийг хилийн боомтуудад татан ажиллуулж, шуурхай арга хэмжээ авахыг холбогдох албан тушаалтнуудад даалгалаа.   Мөн импортоор оруулж ирэх хүнсний зориулалттай ачааны хагас болон битүү вагоныг гааль, нэмэгдсэн өртгийн албан татвараас чөлөөлөх асуудлаар хуулийн төсөл боловсруулан шийдвэрлүүлэхийг Сангийн сайд болон ЗТХ-ийн сайд нарт үүрэг болголоо.  

 “Сүхбаатар” хөлөг онгоцыг музей болгоно  

Хөвсгөл нуураас татан гаргасан “Сүхбаатар” хөлөг онгоцны хадгалалт, хамгаалалт, аюулгүй байдлыг хангуулах, цаашид аялал жуулчлал, музей болгож ашиглах талаар саналаа танилцуулахыг Байгаль орчин, аялал жуулчлалын сайд болон Хөвсгөл аймгийн Засаг даргад, тус хөлөг онгоцыг татан гаргахад оролцсон алба хаагчдыг урамшуулах асуудлыг шийдвэрлэхийг Батлан хамгаалахын сайдад даалгав. Хөвсгөл нуурын эко системийг хамгаалах, нуурын ёроолын аюултай хог хаягдлыг цэвэрлэх, бохирдлыг бууруулах зорилгоор Хөвсгөл нуурт 1985 онд живсэн “Сүхбаатар” хөлөг онгоцыг татан гаргах ажиллагааг энэ оны аравдугаар сарын 01-нээс зохион байгуулж байна. Тус ажиллагаанд ОБЕГ, ЗХЖШ, Нийслэлийн болон Орхон, Хөвсгөл аймгийн Онцгой байдлын газар зэрэг байгууллагын 120 гаруй алба хаагч оролцож байна.           

Товч мэдээ·  Хөдөлмөр эрхлэлтийг дэмжих сангаас жижиг зээл олгох, түүнд батлан даалт гаргах, хүүг нь нөхөн төлөх, санхүүгийн дэмжлэг үзүүлэх журмыг шинэчлэн баталлаа. ·    

 Бүгд Найрамдах Турк Улсын Анкара хотноо 2021 оны арваннэгдүгээр сарын 16-нд зохион байгуулагдах Эдийн засаг, худалдааны Монгол Туркийн Засгийн газар хоорондын хамтарсан хорооны есдүгээр хуралдаанд оролцох Монголын талын төлөөлөгчдийн удирдамжийг зөвшөөрлөө. · 

  “Улаанбаатар 2023” Зүүн Азийн залуучуудын наадмыг зохион байгуулах хорооны бүрэлдэхүүнийг баталлаа.  Засгийн газрын Хэвлэл мэдээлэл, олон нийттэй харилцах газар


Сэтгэгдэл (16)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.212.118.51
ах эгч нь цэцэрлэг сургуульд явж бхад 2,3 настнууд өвчнөөс гэрт блаа гээд хамгаалагдах уу? Шаал утгагүй юмаа хүүхдээ цэцэрлэгт нь өгөөд сэтгэл амар ажлаа хиймээр бна шд
Хариулах
203.91.115.43
Tsetseelegiin bagsh nar bichig barimt bichne ged yu ch hiihgui, harin tuslah bagsh nar bugdiig hiideg
Хариулах
66.181.165.91
Өргөн хэрэглээний барааны үнэ тэнгэрт хадлаа. Өдөр өдрөөр нэмэгдээд байна.
Хариулах
103.29.144.172
Шүгэл үлээгчийн эрх зүйн байдлын тухай хууль гарах юм байна. Шүгэл үлээгч гэснийг Монгол хэлний тайлбар толь, монгол ёс заншил, монгол ахуй, монгол хэл зүйтэй нийцэж байгаа эсэх Эрдэмтэн мэргэдээсээ зөвлөгөө авах нь зүйтэй байх
Хариулах
2601:602:9200:2e97:51e8:e579:a513:2d90
Nohoin gulugnuud zailcgaayuch hiij chadhguu
Хариулах
103.29.144.173
2,3 настай хүүхдийг цэцэрлэгт хамруулах юу болсон бэ% хурдан шийдээчээ.
Хариулах
202.126.89.48
Тэтгэврийн нас шийдэж өгөөчээ.Багш нарын мэргэжлийг хөдөомөрийн хүнд нөхцөлөөр тооцож эм 50,эр 55 болгоочэээээ
Хариулах
202.126.88.174
Цэцэрлэгийн асуудал юу болвоо.
Хариулах
202.9.46.192
Tsetserlegiin asuudal yu bolson ym bol
Хариулах
139.5.217.193
Барилга барихаа зогсоогооч улс валютын хомсдолд орох нь
Хариулах
103.212.119.37
Tsetserleg ee neg asuugaad uguuch
Хариулах
202.126.90.67
2, 3 настаны цэцэрлэг яасын болоо????
Хариулах
66.181.190.140
Тэтгэвэр нэмээд өгөөчээ Ариунзаяа сайд гээд дээлиин гол авгай минь бүтэн хоёр жил болж байна тэтгэвэр нэмсэнгүй Хөгшин настай хүмүүсииг яаж амьдар гэж байгаа юм бэ Энэ тэтгэвэр нэмэхгүй яаж сайд хиигээд байгаа авгай вэ Халамжиин сайд Сангиин сайд Та нар өөрсдөө баяжаад тэмдэг хиихэд 60сая орон гээд юу хуцаад байгаа нохойнууд вэ Халамжиин сайд авгай минь зүгээр худлаа хуцаад байх юм тэтгэвэр нэмээд настангуудад буян хиигээд өгөөчээ золбин нохой авгай минь
Хариулах
203.91.118.218
tseserleg yasan be
Хариулах
103.212.117.59
Эрүүл, аюулгүй мах хэрэглэх боломж байна уу? 14 аймгийн 80 орчим суманд малын гоц халдварт шүлхий, мялзан өвчин гарсан, одоо ч гарч бна...Баталгаа бий юу?
Хариулах
66.181.160.108
3 настай хүүхдийг цэцэрлэгт авах асуудал яасан бэ?
Хариулах