2021/12/03
USD 2,811

Г.Тогтохбаатар: Үндэсний хөрөнгө оруулалтын банк Эрүүл мэндийн даатгал, Нийгмийн даатгалын сангийн мөнгийг хуваарийн дагуу төлж байгаа


Үндэсний хөрөнгө оруулалтын банкны Орлогч захирал Г.Тогтохбаатараас цаг үеийн асуудлаар зарим зүйлийг тодрууллаа.

-Үндэсний хөрөнгө оруулалтын банктай холбоотой янз бүрийн мэдээлэл гардаг. Тухайлбал, Эрүүл мэндийн даатгалын сан болон Нийгмийн даатгалын сангийн хөрөнгө танай банк дээр байршдаг. Тэр мөнгийг эргүүлж авъя гэхээр танайх өгөхгүй байгаа юм шиг, эсвэл тэр санд танай банк асар их өртэй юм шиг мэдээллүүд их гарсан. Та орлогч захирлын хувьд үүнд тайлбар хэлнэ үү?

-Бид НДЕГ, ЭМДЕГ-тай ил тод, маш дэлгэрэнгүй байдлаар уулзаж, өөрсдийнхөө боломжийн талаар танилцуулж байсан. Банкны зүгээс энэ мөнгийг төлөхгүй гэх үндэслэл байхгүй. Өдгөө манай банк Эрүүл мэндийн даатгалын сангийн мөнгийг төлөөд явж байна. Нэмэлтээр төлбөрийн график тохирсон, хуваарийн дагуу төлөлт хийгээд явж байгаа. Эрүүл мэндийн даатгал болон Нийгмийн даатгалын сангийн хөрөнгө нийлээд 30 тэрбум төгрөг. Тэрнээс гадуур хэвлэлээр яриад байгаа шиг 110 тэрбум гэх том дүн байхгүй. “Банк төлөхөөс зайлсхийж байна, зугтаж байна” гэх мэт мэдээллүүд цахим орчинд их гарч байна. Тийм зүйл байхгүй гэдгийг бид хариуцлагатай хэлье.

-Банкны хөрөнгө оруулагч нартай холбоотой олон мэдээлэл гардаг. Үүнд та албан ёсны тайлбар хэлээч?

-Сошиалаар гарч байгаа гүтгэлгийн шинж чанартай мэдээллийг би ташаа гэдгийг энэ боломжийг ашиглаад хэлье. Өнөөдрийн байдлаар Үндэсний хөрөнгө оруулалтын банканд хувь нийлүүлэгчдийн ганц ч зээл, авлага байхгүй. Манай банкийг хувьцаа эзэмшигчтэй холбож, улс төрийн зорилгоор сөрөг, зохиомол мэдээллийг удаа дараа гарган, улмаар банкны бизнесийн нэр хүндэд халдах, харилцагчдын манай банканд итгэх итгэлийг бууруулах сөрөг нөлөөлөл авчирч байсныг энд дурдах нь зүйн хэрэг. Гэвч манай банкны харилцагчид бидний үйл ажиллагаатай өдөр тутам харьцаж байдгийн хувьд бидэнд итгэл хүлээлгэж, өнөөдрийг хүртэл хамтран ажиллаж байгаад Үндэсний хөрөнгө оруулалтын банкны зүгээс гүнээ талархал илэрхийлмээр байна.

-Банкны салбарын хэмжээнд жижиг гэсэн статустай явж байгаа банкнууд “Капитал” банкны араас орох юм биш биз дээ гэсэн болгоомжлол нийгэмд байгаа. Жижиг банкнууд дампуурах гэж байна гэх мэдээллүүд үе үе гардаг. Үндэсний хөрөнгө оруулалтын банк дампуурсан, эсвэл үйл ажиллагаа нь доголдсон банкны хувь тавиланг давтах уу гэсэн асуултад та юу гэж хариулах вэ?

-“Капитал” банканд НДЕГ-ын маш их хэмжээний мөнгө цоожлогдсон. Нэгдүгээрт, тэр мөнгийг манай пассив дээр байгаа НДЕГ-ын мөнгөтэй харьцуулах юм бол харьцуулшгүй  бага. Хоёрдугаарт, банк актив дээрээ маш сайн хөрөнгөтэй байгаа. Энэ хөрөнгийг ойрын хугацаанд, он дуусахаас өмнө эргэлтэд оруулах төлөвлөгөөтэй, дараалсан үе шаттай арга хэмжээ аваад, ажиллаж байгаа. Тийм учраас Үндэсний хөрөнгө оруулалтын банкийг “Капитал” банктай харьцуулж болохгүй.  Үндэсний хөрөнгө оруулалтын банкны сайн актив эргэлтэд орж, мөнгөжүүлэх цаг хугацааны асуудал яригдахаас биш, “Капитал” банктай зүйрлэгдэж дампуурах асуудал огт байхгүй. Дээр нь “Капитал” банктай харьцуулбал манай хадгаламж эзэмшигч нарын тоо бага, тогтвортой гэж хэлж болно. Гуравдугаарт, Монголбанкнаас тавьдаг шаардлагын дагуу дүрмийн сан нэмэгдэх юм бол яг тэр хэмжээгээр манай санхүүгийн чадавх нэмэгдэнэ. Үндсэн ийм гурван чиглэлээр удирдлагын баг ажиллаж байгаа.

Танд нэмж хэлэхэд, бусад банктай харьцуулахад Үндэсний хөрөнгө оруулалтын банкны үйл ажиллагаанд хөндлөнгөөс улс төрийн нөлөө их орж ирдэг. Уг нь олон улсын сонгодог загвараар банкны ажилд хөндлөнгөөс оролцох нь зохимжгүй бөгөөд тус банкны хадгаламж эзэмшигчдийн эрх ашиг хөндөгдөж байдаг юм. Улс төрчтэй тэмцэлдэж байгаад цаана байгаа олон мянган хадгаламж эзэмшигчдийг хохироох вий гэсэн болгоомжлол надад байдаг.


Сэтгэгдэл (12)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
43.228.129.215
Төрийн банкнаас авилгын хэргээр халаглсан хүн одоо ҮХОБанкинд захирал хийгээстэй
Хариулах
143.198.221.189
Шал худлаа шүү!!!!! Би хадгаламжаасаа 500 мянган төгрөг гаргаж авах гэхэд гаргаж өгч чадахгүй байгаа шүү!!!!!
Хариулах
66.181.183.94
Эрдэнэт зэрэг уул уурхайн компаниудын мөнгөигэж бас яригдаад бгаа. Үнэн бол сумьяабазар шоронд орох ёстой үйлдэл шүү. Сайд нь салбарынхаа мөнгийг хувийн банкиндаа гэдэг.
Хариулах
202.126.90.148
Thank you
Хариулах
122.201.22.221
ХУВААРИЙН ДАГУУ ЛУЙВАРДААГҮЙ ЦУЛ ХИЙТЭЛ НЬ ЛУЙВАРДАА БИЗДЭЭ. ТЭР ХУВАРИЙГ НЬ ХҮЛЭЭГЭЭД АРД ОЛОН ЦӨХРӨНГӨӨ БАРЖ ЭНЭ ХОРВООГ ОРХИЖ БАЙНА. ЮУНЫ ХУВААРЬ ЯРИАД БАЙГАА ЮМ БЭ ЭНЭ НЭГ ЮМ. БАС ХАХУУЛЬ АВЧИХАЖ. ХӨРӨНГӨ МӨНГИЙН ХУРААГААД АРД ОЛНЫ МӨНГИЙГ БУЦААЖ АВААЧ. МӨНГӨӨ АВЬЯА. МӨНГИЙГ МИНЬ ӨГӨӨЧ .
Хариулах
103.57.95.175
Сумьяабазар сонгууль болтол ингэж гүрийх гэж байгаа юм. Эрдэнэт үйлдвэр танайхтай шүүхдэлцэж байна гээ биздээ!? Хэвийн үйл ажиллагаа явуулж байгаа бол яагаад мөнгийг нь гаргаж өгөхгүй байгаа юм? Худлаа цаг хугацаа авах зорилготой луйварын банк гэдэг чинь анхнаасаа мэдэгдэж байсан. Хадгаламж эзэмшигчидгүй ямар банк байдаг юм айн? Худлаа хуцаж байгаад Долгорсүрэнгийн шуналт хүүхдүүдтэй хамт шоронд орно доо
Хариулах
64.119.25.91
Далчиганасан мантуугийн хямд барлагийн ярьж байгаа бүгд худлаа шүү. Би энэ банкинд ажиллаж байсан. Хөл толгой нь мэдэгдэхгүй, аса гэх сагсуу пацааны хамаатан саднаар дүүрсэн үнэн тэнэг, дампуу, хогийн газар байсан. Ажлаас гарч мэдрэл маань амарсан.
Хариулах
202.21.104.2
Дампуурлаа эртхэн зарла даа. ингэж худлаа ярьлаа гээд юу өөрчлөгдөхөв дээ
Хариулах
66.181.177.109
Mongolbank tsag tuhaidaa ajlaa hii! eruul gazar bol ali turuun dampuurtsan bank!
Хариулах
203.91.115.48
Тоогий захиралд ажилийн амжилт мундаг сайн захирал шүү
Хариулах
66.181.188.122
дампуу банк
Хариулах
66.181.161.80
Анхны шаардлагаар гаргаж өгөх хуультай. Ийм банкинд хийж л байдаг зохион байгуулалттай луйвар Юм бишү
Хариулах