2021/12/06
USD 2,811

Н.Баярмөнх: Аялал жуулчлалын чиглэлээр зөвшөөрөл авч орон сууц, хаус барьж борлуулдаг явдлыг таслан зогсооно


Баянзүрх дүүргийн засаг дарга Н.Баярмөнх, дүүргийн газар зохион байгуулалтын албаны дарга Д.Бат-Өлзий болон холбогдох албан тушаалтнууд өнөөдөр Баянзүрх дүүргийн 11-р хороо, Богдхан уулын дархан цаазат газарт ажиллалаа.

Тусгай хамгаалалттай газар нутагт үйл ажиллагаа аж ахуй нэгж байгууллагууд зохих зөвшөөрлийн дагуу ажиллаж байгаа эсэх дээр хяналт тавьж ажилласан. Тухайлбал аялал жуулчлалын чиглэлээр газар эзэмших гэрчилгээ авсан ч амины орон сууц барих зэрэг зөрчил гарч байна. Энэ байдал нь эргээд байгаль экологид сөрөг нөлөө үзүүлж байгаа. Тиймээс
1. Хуулийн дагуу ажиллах
2. Байгалийн унаган төрхөөр нь хадгалах
зэрэг асуудлыг дүүргийн удирдлагууд хөндсөн. 

Энэ үеэр Баянзүрх дүүргийн Засаг дарга Н.Баярмөнх хэлэхдээ "Тусгай хамгаалалттай газар нутагт аялал жуулчлалын чиглэлээр үйл ажиллагаа явуулна гэж газар аваад, амины орон сууц, хаус барьж борлуулдаг. Байгаль орчинг мөнгө болгож хардаг, үүгээрээ дамжуулж нэгнийхээ нүдийг хуурсан ажил хийдгээ болих хэрэгтэй. Бид ирээдүй хойч үедээ байгалиа унаган төрхөөр нь хадгалж, уул ус, голоо бүтнээр нь үлдээх шаардлагатай учраас өнөөдрийн ажлыг санаачлан хийж байгаа Үүнд иргэд, аж ахуй нэгж, төрийн албан хаагч нар дэмжинэ гэдэгт итгэлтэй байна" гэлээ.

Өнөөдрийн байдлаар Богдхан уулын дархан цаазат газарт 221 байршилд газар олгосон. Дүүргийн удирдлагуудын зүгээс Богд-Уул орчимд зориулалтын бус ашиглалт, татвар төлөлт зэрэг асуудлууд ихтэй, дахин уг хэсэгт газар олголт өгөх шаардлагагүй гэж үзэж байгаа учраас холбогдох хүсэлт, бичгийг дээд шатны байгууллагуудад хүргүүлнэ.



Сэтгэгдэл (8)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
59.153.115.185
Одоо нэгэнт барьчихсан ус хүрэлцээгүй,зам нь түгжигтэлээ болохоо байсан. Харин төр зам тавьж дэд бүтцээр нь туслаад л. Үе үеийн сайдуудад хариуцлага тооц. Нэрсийг нь өгсөн газартай нь бич. Зүгээр яриад яах юм. Туул голын хайрга ухуулахгүй гээд байсан. Усны ундрага Налайхын цаана бөөгнөчихсөн ухаж хөрөнгөжиж байна.
Хариулах
103.87.255.130
Зөв сэдэв хөндөж байна. Энэ Засаг дарга л юм хийгээд яваад байгаам даа.
Хариулах
66.181.166.108
дээр нь өөр зориулалтаар ашигласан газар үл хөдлөх хөрөнгийн гэрчилгээ олгох ажлыг байгаль орчин аялал жуулчлалын яам өгдөг юм
Хариулах
66.181.166.108
Энэ дархан цаазат газар, Богд уулын газрыг БОАЖЯ, Богд уулын дархан цаазат газрын захиргаанаас зараад дууссан уу?
Хариулах
5.170.81.23
Энэ шалдан баньд амжих уу
Хариулах
202.9.46.70
хэлсэнээл хииигээрэй наад газарыг зүгээр хүмүүс авахгүй төриин нэр зүүсэн хулгаачуудл авч зарж маш хурдан хагартлаа баяждагииг үхэр монголчууд мэдэндэээ малуудаа
Хариулах
202.9.40.37
Мундаг залуу дарга юм. Зоригтой ч бн
Хариулах
202.179.24.209
За яах вэ, ингэж ярьж явдаг нь ганц энэ хүн биш, бүгд л тэгэж ярьдаг юм. Онцлог нь хэзээч биелэхгүй.
Хариулах