2021/11/27
USD 2,811

“Дельта” хувилбар хэт мутацийн улмаас өөрөө устсан гэв

Н.Мичидмаа
2021/11/22

Японд тархаад байсан COVID-19-ийн “Дельта” хувилбарын вирусийн “nsp14” нэртэй алдаа засагч уурагт хэт олон мутаци хуримтлагдсан тул тэдгээрийг засаж өөрчлөх явцад энэхүү “Дельта” хувилбарын вирусөөрийгөө устгасан тухай Японы Генетикийн үндэсний хүрээлэнгийн профессор Итуро Иноуэ мэдэгдсэн байна.

 Тэрээр энэ талаар “Japan Times” сонинд ярилцлага өгөхдөө “Бид үр дүнг нь хараад үнэхээр гайхсан. Японд тархсан “Дельта” хувилбар маш халдвартай, хурдан тархдаг хувилбар байсан. Гэтэл түүнд олон тооны мутаци хуримтлагдахын хэрээр вирус гажуудалд орсоор эцсийн дүнд өөрийгөө олшруулж чадахгүй болсон гэж бид таамаглаж байгаа юм” гэжээ.

 Сүүлийн өдрүүдэд Япон дах өвчлөлийн тоо нэмэгдэхээ больсон гэдгийг Итуро Иноуэ профессор онцолсон байна. Үүнээс үүдээд хувиран өөрчлөгдөх явцдаа вирус өөрийгөө устгасан гэдэг таамаг дэвшүүлж болж байгаа аж. Профессор Итуро үүнийг тайлбарлахдаа “Амны хаалт ба вакцинжуулалт нь зарим тохиолдолд халдвар авахаас сэргийлж чаддаггүй учраас хэрэв вирус өөрийгөө устгаагүй байсан бол өвчлөлийн тоо лавтай нэмэгдэх байсан” гэжээ.

 Японд сүүлийн гурван сарын турш хоногт 26 мянган хүн халдвар авч байсан ч сүүлийн үед халдварын тоо огцом буурч хоногт 200 хүн болсноо арванэгдүгээр сарын 7-д корона вирусийн халдвар авсан нэг ч хүн бүртгэгдээгүй нь сүүлийн 15 сард ажиглагдсан анх удаа болсон зүйл байжээ.

 Зарим судлаачид халдвар авсан хүний тоо ийнхүү тэг болоход Японы хүн амын 75,7 хувь нь вакцинжуулагдсан ба амны хаалт зүүж, нийгмийн зай барьж байгаа хүчин зүйлс нөлөөлсөн гэж үзсэн байна. Харин Генетикийн үндэсний хүрээлэнгийн профессор нь вирус өөрийгөө хуулбарлан үржих явцад ойролцоогоор сард хоёр удаа мутацид орох явцад үүссэн генетикийн өөрчлөлттэй холбоотой гэсэн энэхүү таамгийг дэвшүүлсэн юм байна. 

Эх сурвалж: Japan times


Сэтгэгдэл (8)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.19.169
ЕР НЬ ТОМУУ ТӨСТ ӨВЧНИЙ ӨӨРИЙНХ НЬ СУЛ ТАЛ БОЛ МУТАЦИ Л ДАА ТЭГЖ БАЙГААД ҮГҮЙ БОЛОХ ЭСВЭЛ СӨРӨГ НӨЛӨӨГҮЙ БОЛЖ ХУВИРДАГ. ИСПАНИ ХАНИАД БАЙНА
Хариулах
202.9.47.56
Магадгүй л гэсэн л дээ...
Хариулах
64.119.21.91
Za ashgvidee enxiin tsag xurdan ireesei dee
Хариулах
192.82.91.188
Энэ чинь зөвхөн таамаг төдий. Нөгөө хүний эсэргүүцэх чадвар нь устгасан ч байж болно. Энэ бол батлагдаагүй таамаг төдий мэдээ шүү. Japan times ороод уншаад үзвэл илүү сайн ойлгоно.
Хариулах
192.82.91.188
Зариг сүүлийн үед мэдээ хийхээ больсон. МАН-ы захиалгаар ард түмнийг тайвшруулах мэдээ байдаг хийдэг бол шантааж өнөрөө 300 унаад ард түмний тархийг барааны савангаар угаахгүй шүү.
Хариулах
59.153.86.62
Үнэн бол ганц сайн мэдээ байлаа
Хариулах
192.82.91.188
Манайд энэ шинжлэх шинжлэх ухааны тоног төхөөрөмж аахгүй. Тэгэхээр бид юу ч мэдэхгүй.
Хариулах
103.11.195.2
Манайх бас ингээд байгаа юм болов уу?
Хариулах