ТӨСВИЙГ МӨШГӨЕ: Д.Эрдэнэбилэг Хөгжлийн банкнаас 506 тэрбумыг зээлээд өгөлгүй, чанаргүй зээлдэгч болжээ

Өнөрцэцэг
2022/01/29

Хөгжлийн банкнаас шүүхэд өгөөд буй 26 компаниас хамгийн өндөр дүнтэй буюу 212 тэрбум төгрөгийн өртэй “Кью Эс Си” компанийн ард Худалдаа хөгжлийн банкны ТУЗ-ын дарга Д.Эрдэнэбилэг холбогдож байна.

“Кью Эс Си” компани нь “Уул уурхай, металлургийн цогцолбор байгуулах” төслийн хүрээнд Хандгайт өртөөнөөс Төмөртэйн уурхай хүртэл 33.4 км урт төмөр зам болон ачиж, буулгах терминал барих ажлыг санхүүжүүлэх зориулалтаар 2014 онд Хөгжлийн банкнаас 203 тэрбум төгрөгийн зээл авсан байдаг. Монгол Улсын Хөгжлийн банк шүүхэд хандсаны дагуу энэ сарын 14-ний өдөр Дээд шүүхийн шийдвэр гарч “Кью Эс Си” компанийг 192.57 тэрбум төгрөгийг Хөгжлийн банканд олгуулахаар болоод буй.   

“Кью Эс Си” ба Д.Эрдэнэбилэг

“Кью Эс Си” компанийн гүйцэтгэх захирал Энхбаярын Шижир. Түүний ард Худалдаа хөгжлийн банкны нөлөө бүхий хувьцаа эзэмшигч, төрийн өмчийн хэд хэдэн компанийг өөрийн болгосон Должингийн Эрдэнэбилэг бий.

Н.Алтанхуягийн Засгийн газрын үед Эдийн засгийн хөгжлийн яам байгуулж, концессийн жагсаалтыг шинэчлэх үеэр Дарханы төмөрлөгийн үйлдвэр ХХК-ийг концессийн гэрээгээр “Кью Эс Си” ХХК-д шилжүүлжээ. “Кью Эс Си” 30 жил төмөрлөгийн үйлдвэрийг эзэмшээд, улсад хохиролгүйгээр буцааж өгөх гэрээ байгуулж, төмөрлөгийн үйлдвэрт 700 сая төгрөгийн хөрөнгө оруулж төмрийн хүдэр баяжуулах болон ангижруулсан төмрийн үйлдвэр барих, төмөр зам тавих, техник технологийг нь шинэчлэхээр гэрээлсэн байна. Гэвч гэрээгээ зөрчсөн тул хуулийн байгууллагаас Д.Эрдэнэбилэгийг яллагдагчаар татаж байсан юм. Харин Дарханы төмөрлөгийн үйлдвэрийн хөрөнгө оруулагч “Кью Эс Си” ХХК-ийн гүйцэтгэх захирлаар Д.Эрдэнэбилэгийн хүн болох “Кью Эс Си” ХХК-ийн Гүйцэтгэх захирал Энхбаярын Шижир өнөөдрийг хүртэл ажиллаж байна. Э.Шижир нь Эрдэнэтийн 49 хувийн хэргийг зохион байгуулж, гардан үйлдсэн гэх “Сахал” Д.Эрдэнэбилэгийн хүмүүсийн тоонд зүй ёсоор багтдаг бөгөөд түүнийг Эрүүгийн хуулийн 18.6 дугаар зүйл мөнгө угаах гэмт хэрэгт буруутгаад байсан юм.

Д.Эрдэнэбилэг Хөгжлийн банкнаас нийтдээ 506 тэрбумыг мурьжээ

Дашрамд дурдахад, Д.Эрдэнэбилэг тэргүүтэй хүмүүс 2010-2012 онд С.Батболдын Засгийн газрын үед төрийн өмчийг хувьчлахгүйгээр өөрчлөн байгуулах ЗГ-ын тогтоол гарахад нөлөөлж, Хөтөлийн цемент шохой компанийн үйл ажиллагааг өргөтгөх менежментийн хувьчлал нэрээр Хөгжлийн банкнаас 61 265 000 ам долларын зээл авч байжээ. Өөрөөр хэлбэл төрийн өмчийг төрийн мөнгөөр хувьдаа авсан гэсэн үг. Хөтөлийн цементийн үйлдвэр Хөгжлийн банкинд 294 тэрбум төгрөгийн өртэй 10 жил луу унжиж өнөөдрийг хүрчээ. Ардаа Д.Эрдэнэбилэг гэх эзэнтэй “Кью Эс Си” ХХК, Хөтөлийн цементийн үйлдвэр Хөгжлийн банкнаас нийтдээ  506 тэрбумыг авчихсан гэсэн үг. 

“Төрийн мөнгө уйлдаггүй”-г Сахал Д.Эрдэнэбилэгийн хийсэн дээрх үйлдлүүдээс тодорхой харж болохоор байна. Зах зухаас нь дурдахад ийм байна, цаашилбал Монголын төр, ард түмний өмнө хичнээн мөнгө уйлуулсныг мэдэхгүй.

Үргэлжлэл бий...



1
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Хиймэл оюун ухаанаар бүтээсэн анхны дуу мэндэллээ 32 минутын өмнө
Хэн үндэстэн дамнасан корпорац байгуулах вэ? 57 минутын өмнө
Нэр дэвшигч Д.Балдан иргэдийн зургийг зөвшөөрөлгүй авч сурталчилгаанд ашиглахгүй байхыг уриалав 4 цагийн өмнө
“Үндэсний эвсэл”-ээс Баруун бүсэд нэр дэвшигчид юу хэлэв? 4 цагийн өмнө
Нандиагийн Динза 6 цагийн өмнө
Өндөрхааны оройгоос 6 цагийн өмнө
Цэндийн Баатархүү: Ардчиллын дархлаа вирустсан 6 цагийн өмнө
Цэцийн дунд суудлын хуралдааныг хойшлууллаа 7 цагийн өмнө
Голын эрэг дагуу байрлуулсан камераар 200 метр зайд иргэдэд дуут сэрэмжлүүлэг хүргэж байна 8 цагийн өмнө
Архангай, Өвөрхангай, Баянхонгорын нэгдүгээр тойрогт нэр дэвшигчид Жаргалант сумын иргэдтэй уулзлаа 8 цагийн өмнө
Үндэсний Эвсэл: Залуусаа дуудна, хүчийг нь шударга үнэлнэ 8 цагийн өмнө
“Asia Folk 2024” наадам төв талбайд болж байна 9 цагийн өмнө
Хан-Уул дүүрэгт нэр дэвшиж байгаа Б. Ариунболд гэж хэн бэ 9 цагийн өмнө
Баруун бүсэд нэр дэвшигч З.Мэндсайханыг сонгох таван шалтгаан 9 цагийн өмнө
СЭРЭМЖЛҮҮЛЭГ: Ирэх долоо хоногоос эхлэн бороотой өдрүүд үргэлжилнэ 9 цагийн өмнө
М.Бадарчийн цолыг хурааж, унасан бөхчүүдэд цолыг нь нөхөн олгохоор болжээ 11 цагийн өмнө
Шенгений визийн хураамж энэ сард нэмэгдэнэ 11 цагийн өмнө
Ч.Лодойсамбуу: Татварын байцаагч нар хувь хүний дансыг нэгжих эрхтэй болсон нь хууль зөрчсөн 11 цагийн өмнө
“Үндэсний Эвсэл”-ийн тэргүүн Увс, Ховд аймгийн иргэд, сонгогчидтой уулзлаа 12 цагийн өмнө
Малчид, тариаланчдын хөдөлмөрийг хөнгөвчлөх инновацийн тоног төхөөрөмжийг танилцууллаа 12 цагийн өмнө