2019 ОНЫ ЦЭРГИЙН БҮРТГЭЛ ИРЭХ МЯГМАР ГАРАГААС ЭХЭЛНЭ

Нийслэлийн хэмжээнд 2019 оны нэгдүгээр сарын 4-21-нд цэргийн бүртгэл явагдана. Бүртгэл хороодын Засаг даргын ажлын байранд ажлын өдрүүдэд 09.00-19.00, амралтын өдрүүдэд 10.00-18.00 цагийн хооронд явагдана. Цэргийн бүртгэлд 65 нас хүртэл бэлтгэл офицер, 18-50 нас хүртэл цэргийн үүрэгтэн, цэрэгт бүртгэлтэй мэргэжил бүхий эмэгтэйчүүд 50 нас хүртэл хамрагдах юм байна.Цэргийн албаны тухай хуульд зааснаар цэргийн бүртгэлд хамрагдах иргэд баг, хорооныхоо байранд тогтоосон хугацаанд очиж бүртгэлдээ хамрагдах ёстой байдаг. Түүнчлэн цэргийн үүрэгтний үнэмлэхийг хаяж, үрэгдүүлэхгүй байх, хаяж үрэгдүүлсэн тохиолдолд нөхөж авах, цэрэг татлагын үеэр гурван сараас дээш хугацаагаар гадаад улсад зорчих бол энэ тухайгаа мэдэгдэх, өөр газар шилжин суурьших тохиолдолд тухайн оршин суугаа газрынхаа цэргийн бүртгэлээс хасуулж, шилжин очсон газраа цэргийн бүртгэлд бүртгүүлэх зэрэг үүргийг хүлээдэг билээ