Монгол Улсад фэйсбүүк идэвхтэй хэрэглэгчдийн тоо 2.2 саяд хүрчээ. Өөрөөр хэлбэл, хүн амын 70 хувь нь сошиал орчинд идэвхтэй байж, мэдээ мэдээлэл авч, бусдад түгээж байна. Энэ хэрээрээ олон нийтэд худал, ташаа мэдээлэл хүрч байгаа гэхэд буруудахгүй. Баримт нотолгоогүй буюу сураг төдий мэдээллийг цахим орчноор дамжуулан бусдад түгээснээр эхний өдөр хоёр хүнд, түүний маргааш ахиад хоёр хүнд хүрэх байдлаар 14 хоногт 8000-аас багагүй хүнд хүрэх магадлалтай гэж үздэг ажээ. Зарим судлаачийн тооцоолсноор хэдэн өдөр, хэр олон хүнд нэг зэрэг хүрснээс хамааран баримт, нотолгоогүй мэдээлэл тэр хэмжээгээрээ хүмүүсийн анхааралд өртдөг гэв. Энэ нь хэн нэгний нягталж шалгаагүй, худал мэдээлэл буюу "хов жив", "цуу яриа", "троллинг" олон нийтэд хүрч болохыг харуулж байгаа юм.
Хуурамч акаунт нээж бусдыг гүтгэдэг, доромжилдог, магтдаг сайшаадаг хэсэг бүлгийг улс төрчид өөрсдөө ч бий болгосон, тэд ч санхүүжүүлдэг юм. Тиймээс хуурамч хаягын эзэдтэй фэйсбүүк компанийн зүгээс тэмцэхээ илэрхийллээ.
Сэтгэгдэл (0)
Сэтгэгдэл бичигдээгүй байна