ХЭҮК: ББСБ-аар авсан автомашинд эзэнд нь мэдэгдэлгүй GPS суулгаж байгаа нь эрүүгийн ялтай үйлдэл

Хүний эрхийн үндэсний комиссоос хүний хувийн мэдээлэл хамгаалахтай холбоотой мэдээлэл өглөө. Хүний хувийн мэдээлэл хамгаалах хэлтсийн референт Л.Болдхүү танилцуулахдаа "Банкны үйл ажиллагааг шүүмжилсэн иргэнийг нэр бүхий банк  хувийн мэдээллийнх нь дагуу олж тогтоон, залруулга хийхийг шаардсан байсан. Уг үйлдлээ тухайн банк залруулсан байгаа. Түүнчлэн ББСБ иргэн хоорондын гэрээний дагуу худалдан авсан автомашинд эзэмшигчид мэдэгдэлгүй тухайн байгууллагаас байршил тогтоогч суурилуулсан нь Монгол Улсын хууль тогтоомжийг зөрчин, хүнийг тагнах, чагнах зүйлээр яллагдах Эрүүгийн гэмт хэрэг учир бид үүнд шаардлага хүргүүлээд байгаа. Мөн Эрдэнэт үйлдвэрийн халуун усны газарт хяналтын камер суурилуулсан байсныг ил болгосон ажилтандаа хариуцлага тооцсон асуудал гарсан байсан нь хүний эрхийн зөрчил" гэдгийг онцоллоо.