Ерөнхий сайд Л.Оюун-Эрдэнэ: Жилийн өмнө цар тахлаас шалтгаалан 2 жил тасарсан хичээл сургуулиа яаж танхимаар эхлүүлэх вэ гэдэг сорилттой тулаад байсан бол өнөөдөр энэ зорилгодоо хүрч 100 хувь танхимаар хичээллэж эхэллээ.
Хүүхдүүд цэцэрлэгтээ сугалаагаар хамрагддаг байсан гажуудлыг арилгаж хүүхэд нэг бүрийг цэцэрлэгт хамруулж чадлаа. Улс, нийслэлийн төсвөөс тус бүр 100 тэрбум гаргаж БШУЯ, Нийслэл, УИХ, ЗГ хамтран ажилласнаар энэ асуудлыг 4 сарын дотор шийдлээ.
Хувийн хэвшлийн цэцэрлэгүүдэд хувьсах зардлыг нэмж олгон, цахимаар бүртгэж, хамран сургах тойргоор хуваарилалтыг хийлээ. Ингэснээр бүх хүүхэд цэцэрлэгтэй, хувийн хэвшил орлоготой, заавал цэцэрлэгийн байр барих биш түрээслэх замаар төр хэмнэлттэй, эцэг эхчүүд хүүхдээ хол явж цэцэрлэгт өгөхгүй түгжрэл, ачаалал буурч, боловсролын байгууллагын авилга багассан зэргээр олон асуудал нэгэн зэрэг шийдэгдэх боломж байна.
Цаашид хот, хөдөөгийн боловсролын ялгаа, тэгш бус байдлыг багасгахад цогц байдлаар анхаарал хандуулна. Хөдөө орон нутгийн багш нарын нийгмийн асуудлыг шийдвэрлэх бодлого барина.
Сэтгэгдэл (0)
Сэтгэгдэл бичигдээгүй байна