Хууль зүй дотоод хэргийн яамны Төрийн нарийн бичгийн дарга П.Сайнзориг жагсаалтай холбогдуулан мэдээлэл хийлээ.
Тэрбээр:
-Аливаа зүйлд хүчирхийллийн бус аргаар тайван нухацтай хандаж хуулийн хүрээнд эрхээ эдлэх зүй ёсны шаардлага тулгарч байна. Сүхбаатар дүүргийн зургадугаар хороо Сүхбаатарын талбайд өчигдрөөс хойш эхэлсэн жагсаал цуглаан эмх замбараагүй байдалд шилжлээ. Хуулиас давах, хүчирхийллийн аргад шилжих боллоо.
ХЗДХЯ, ЦЕГ-аас иргэдийн тайван замаар жагсаал цуглаан хийх эрхийг хүндэтгэж байна. Энэ эрхээ бид хуулийн хүрээнд эдлэх ёстой. Тайван замаар эхэлсэн жагсаал цуглааныг далимдуулж нийгмийг журмыг бүлэглэн зөрчих, архидан согтуурах, жагсаалын агуулгыг өөрчлөх сэдэл санаа ажиглагдаж байна. Тухайлбал, жагсаал цуглааныг далимдуулж нүүрсний хулгайн хэрэгт шалгагдаж байгаа Эрдэнэс тавантолгой компанийн өмнөх удирдлагууд өмнө нь ажиллаж байсан албан хаагчдыг олон нийтийн сүлжээ болон бусад арга хэрэгслээр жагсаалд оролцохыг уриалж байна.
Мөн бага насны хүүхдийг жагсаалд татан оролцуулах, төрийн эрхийг хууль бусаар авах гэмт хэргийн шинжийг агуулсан үйлдэлийг гаргаж байна. Жагсаал цуглааны үеэр талбайн гацуурыг шатаасан. Гацуурыг шатаасан иргэдийг барьж саатуулахад мансуурсан байсан гэх зэргээр хууль бус үйлдэл гаргаж байна.
Тиймээс жагсаал цуглаан зохион байгуулах хуулиар Нийслэлийн Засаг Даргад жагсаалыг бүртгүүлэх ёстой. Энэ жагсаалыг бүртгүүлээгүй гэж хэлсэн. Нийтийг хамтарсан энэ жагсаал төрийн тусгай объект руу халдаж байгаа тул хуулийн дагуу жагсаал цуглааныг албадан тараах Нийслэлийн Засаг Даргын захирамж гарлаа. Нийтийг хамарсан эмх замбараагүй байдалд шилжсэн, зорилгоо өөрчилсөн гэх үндэслэлүүдээр албадан тараахаар боллоо. Мөн жагсаал цуглааныг зохион байгуулж байгаа болон оролцож байгаа иргэдэд тараах уриалгыг хоёр цагийн турш хийнэ.
Жагсагчдын 90 орчим хувь нь оюутан залуус байна. Удирдлага зохион байгуулалтгүй болж архи хэрэглэсэн иргэд олширч залуусыг үймээнд уриалж хүч хэрэглэхийг өдөөн хатгаж эмх замбараагүй байдалд уриалж байна. Иймд уг жагсаалд оролцож байгаа залуус аюулгүй байдлаа хангаж гэмт хэргийг хохирогч болж өртөхөөс сэргийлж бусдын өдөөн хатгалганд өртөхгүй байхыг анхааруулж байна.
Сэтгэгдэл (0)
Сэтгэгдэл бичигдээгүй байна