Орхон аймагт үйл ажиллагаа явуулж буй бүх байгууллагуудыг орон нутгийнхаа жижиг дунд үйлдвэрлэл эрхлэгчдээ дэмжих уриалга гаргалаа

Орхон аймгийн Жижиг дунд бизнесийн хөгжил ба бизнес түншлэл-уулзалт хэлэлцүүлэг яг одоо өрнөж байна.

Орон нутгийн жижиг дунд үйлдвэрлэл эрхлэгчдийн бараа бүтээгдэхүүнийг худалдан авалтаар дэмжих ААН-үүдийн шийдвэр гаргах төвшний төлөөлөл, бодлогын төвшинд төрөөс холбох, харилцан мэдээллээ нээлттэй ил тод солилцох, тулгарч буй асуудлаа хамтдаа олж, арга замаа тодорхойлох нь энэхүү уулзалт, хэлэлцүүлгийн зорилго юм.

Орхон аймаг баялаг бүтээгч аймаг. Уул уурхайгаас гадна, оёмол бүтээгдэхүүн, хүнсний ногоо, гурил, гурилан бүтээгдэхүүн, эрүүл мэндийн ундаа гээд бүхий л салбарт хөдөлмөрлөж, баялаг бүтээгчид олон бий.

Уулзалтад ирсэн зарим ААНБ-ууд хоол хүнс, сүү цагаан идээ, хөдөлмөр хамгаалах хувцасны нийлүүлэлтээр хамтран ажиллахаа илэрхийлж байна.

Эдийн засаг хүнд энэ цаг үед орон нутагт үйл ажиллагаа явуулж буй ААНБ-ууд бизнес эрхлэгчдээ дэмжиж, хамтарч ажиллавал томоохон дэмжлэг болно.