ХҮНДРЭЛ: Хүнсний дутагдалд орж, эмнэлгийн тусламж авч чадахгүйд хүрээд байна

Аюулт үзэгдэлд өртсөн Алтанбулаг, Заамар, Лүн, Өндөрширээт сумдад урдчилсан байдлаар 3950 толгой мал хорогдож, Эрдэнэсант, Лун сумдад аюулт үзэгдлийн улмаас 7 иргэн амь насаа алдсан, 1 иргэн осголтын хөнгөн зэрэгтэй гэр эмчилгээ хийлгэж байгаа юм байна.

Цас их орсны улмаас холбоо барих боломжгүй, зам боогдсоноор хүнс, ахуйн бараа, материалын хомсдолд орж болзошгүй айл, өрх, иргэдийн тоо, хорогдсон малын тоог нарийвчлан тогтоохоор ажиллаж байна. Тус аймгийн Цаг уур орчны шинжилгээний төвөөс ирүүлсэн мэдээллээр 2023 оны 11 дугээр сарын 06-ны өглөөний 08 цагийн байдлаар өртөө, харуулын талбай дээрх хэмжилтээр нийт нутгаар 0.0-34.0 см зузаантай цасан бүрхүүлтэй байна.

Мөн зарим сумдад дараах асуудлууд тулгамдаад байна.

1.  /Лүн, Эрдэнэсант/ Эрүүл мэндийн төвд хуваарьт тулах, чадвар сайтай автомашин олгох ажлыг цаг алдалгүй, шуурхай шийдвэрлүүлэхэд дэмжлэг үзүүлэх;

2. Сумдад шатахуун, гамшигт нэрвэгдсэн айл өрхөд тусламж дэмжлэг үзүүлэх;

3. Тусгай зориулалтын механизм Автогрейдр, Ковш, цастай нөхцөлд туулах чадвар сайтай гинжит дугуйтай автомашин аймгийн онцгой комисст олгох зэрэг асуудлыг шийдэх хүсэлтийг аймгийн онцгой комиссоос Шадар сайд С.Амарсайхан хүргүүлжээ.