МСНЭ: Шүүх өнөөдөр хуралдан Н.Өнөрцэцэгт хилийн хориг тавих шийдвэр гаргасан нь зоригийг мохоох, айлган сүрдүүлэх хэлбэр гэж үзэж байна

Н.Мижидмаа
2023/11/29

УИХ-ын гишүүн, сайд Ч.Хүрэлбаатар болон шүүх эрх мэдлийн институцийн зүгээс ТВ8 телевизийн сэтгүүлч Ж.Баттуул, www.zarig.mn сайтын үүсгэн байгуулагч, сэтгүүлч Н.Өнөрцэцэг нарыг хэвлэн нийтэлсэн агуулга, чөлөөт үзэл бодол, итгэл үнэмшлийнх нь төлөө Эрүүгийн хуулиар яллуулахаар гомдол гаргаж, цаашлаад мэдээлэл нийтлэх, эс нийтлэхэд хөндлөнгөөс нөлөөлөх зорилготой айлган сүрдүүлэх, дарамтлах үйлдэл гаргаж байгааг МСНЭ эрс эсэргүүцэж байгаагаа мэдэгдье.

Сэтгүүлч Ж.Баттуулыг бэлтгэсэн нэвтрүүлгээ нийтлэн нэвтрүүлээгүй байхад УИХ-ын гишүүн, сайд Ч.Хүрэлбаатар цагдаад гомдол гаргасан нь түүний мэргэжлийн эрх ашигт бүдүүлгээр халдаж, хэвлэл мэдээллийн агуулгыг цензурдэж байгаа хэлбэр төдийгүй энэ нь мэдээ мэдээлэл нийтлүүлэх, эс нийтлүүлэхээр дарамт шахалт үзүүлж буй Эрүүгийн хуулийн гэмт хэргийн шинжтэй үйлдэл хэмээн үзэж байна.
Түүнчлэн сэтгүүлч Н.Өнөрцэцэгийн эсрэг ШЕЗ Эрүүгийн хуулиар яллуулах гомдол гаргасны дагуу хуулийн процесс үргэлжилж буй энэ үед Чингэлтэй дүүргийн шүүх өнөөдөр хуралдан түүнд хилийн хориг тавих шийдвэр гаргасан нь зоригийг мохоох, айлган сүрдүүлэх хэлбэр гэж үзэж байна.
Мөн www.zarig.mn сайтыг 2023 оны 11 дүгээр сарын 29-ны өдөр түр хугацаанд хөндлөнгөөс хаасан нь Үндсэн хуулиар баталгаажсан хэвлэн нийтлэх, үзэл бодлоо чөлөөтэй илэрхийлэх, иргэний мэдээлэл хайх, хүлээн авах эрх, эрх чөлөөнд санаатайгаар халдсан үйлдэл болно.
Тус сайтын нийтлэлийн бодлого болон үүсгэн байгуулагч, сэтгүүлч Н.Өнөрцэцэг хуулийн байгууллагаар шалгагдаж буй нөхцөл байдал зэрэг нь дээрх халдлагыг санаа зорилготойгоор үйлдсэн байж болзошгүй гэх үндэслэлийг бий болгож буй учраас хараат бус сэтгүүл зүй, чөлөөт хэвлэл, сэтгүүлчдийн мэргэжлийн эрх ашгийн төлөө эл үйлдлийг эсэргүүцэж байна.
Монгол Улс нэгдэн орсон олон улсын гэрээ, конвенци, хүний эрхийн тунхаглал, Үндсэн хууль, хүчин төгөлдөр үйлчилж буй бусад хуулийн хүрээнд сэтгүүлчид бид эрх ашгаа хамгаалан бүхий л арга хэлбэрээр тэмцэх, цаашлаад МСНЭ нь НҮБ-д дуу хоолой бүхий Олон улсын сэтгүүлчдийн холбооны гишүүний хувьд олон улсад мэдэгдэл хүргүүлэн өмгөөлөл хүсэх замаар тууштай ажиллахаа мэдэгдэж байна.



0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Архангай аймгийн Ихтамир сумын нутагт өнөөдөр 4.6 магнитудын хүчтэй газар хөдөлжээ 54 минутын өмнө
Хаваржилт хүндэрсэн 100 суманд туулах чадвар сайтай автомашиныг олгож эхэллээ 5 цагийн өмнө
Ахиу тунадас орохоор байгаа нь хаваржилтыг улам хүндрүүлэх нөхцөл үүсгэж байна 7 цагийн өмнө
“Малчин түмэндээ тусалъя" хандивын барилдаанд Улсын аварга О.Хангай түрүүлэв 9 цагийн өмнө
Нийслэлийн хөрсний 88 хувь нь бохирдолтой байгаа бол Гэр хороолол орчмын хөрсний 93 хувь нь нян, хөгц, мөөгөнцөртэй... 9 цагийн өмнө
Б.Ариунбилэг: Хуримаа хийгээд хөл дээрээ гүйж байна гэж зүүдэлдэг байлаа 9 цагийн өмнө
“Хүү, охин хоёр минь дөрвөн хүүхдээ үлдээгээд бурхан болсон, ач, зээ нарынхаа төлөө эмээ нь амьдралд бууж өгөх эрхгүй” 10 цагийн өмнө
Цаг агаар: Улаанбаатарт 11 хэм хүйтэн 10 цагийн өмнө
ТАНИЛЦ: Гуравдугаар сард болох хүчит бөхийн барилдааны хуваарь Өчигдөр
Монголд эмчлэх боломжгүй өвчний жагсаалтаас хоёр заалтыг хасах боломж бүрдлээ Өчигдөр
Иргэд: Метрогоор сонгуулийн шоу хийхээ боль, барьчихаад шоуд Өчигдөр
Сэлбэ голын 165,020 тонн мөсийг тээвэрлэжээ Өчигдөр
САГСАН БӨМБӨГ: Азийн аваргуудын лигийн урьдчилсан шатны тоглолтууд ирэх сарын 3-7ны өдрүүдэд болно Өчигдөр
Австрали улс Монгол Улсад 250 мянган австрали доллар хандивлахаар болжээ Өчигдөр
"Малчны хотонд ажиллаж байгаа 318 резидент эмчийн зардалд 325 сая төгрөг зарцуулна" Өчигдөр
Т.Баярхүү: ОБЕГ-т 1.9 тэрбум төгрөгийн бэлэн мөнгө, 773 орчим сая төгрөгийн бараа хандивласан Өчигдөр
Метронд шаардагдах цахилгааны эх үүсвэрийг Бөөрөлжүүтийн цахилгаан станцаас нийлүүлнэ Өчигдөр
Ерөнхийлөгчийн санаачилгаар "Ойн салбарын үндэсний II чуулган"-ыг зохион байгуулна Өчигдөр
ТАНИЛЦ: Өнөөдөр цахилгаан хязгаарлах хуваарь Өчигдөр
ЦУОШГ: Гуравдугаар сарын дунд үеэс хүйтний эрч огцом чангарна Өчигдөр