Автобусанд: Утсаа алдсан хоёр иргэний утсыг автобусны жолооч олж өгчээ

Ч:57 Улаанчулуут-МУИС чиглэлийн 2-084 гарааш дугаартай автобусны жолоочид үйлчлүүлэгчээс нь талархлаа илэрхийлжээ. Учир нь тус чиглэлд зорчиж явсан автобусанд хоёр иргэн гар утсаа алдсан бөгөөд тухайн үед автобусны жолооч хаалгаа онгойлгохгүй зогсож байгаад өөрийн утсаар залгаж утсыг олж өгчээ. 

Нийтийн тээврийн автобусны үйлчилгээтэй холбоотой санал, хүсэлт, гомдлыг 7004-4040 дугаарын утсаар авч түргэн шуурхай ажиллаж байгаа юм. Нийтийн тээврийг илүү хүртээмжтэй, илүү сайжруулахын төлөө иргэн таны санал хүсэлт, мэдээлэл маш чухал тул үнэн бодит мэдээлэл өгч, хамтран ажиллахыг Нийтийн Тээврийн Бодлогын Газраас уриалж байна.