Эдийн засагч Н.Дашзэвэг сүүлийн үед шинэ Ерөнхийлөгч Х.Баттулгад хаягласан "зөвлөгөөнүүдийг" цахим хуудсаараа хүргэх болсон. Тэрбээр өчигдөр өөрийн фэйсбүүк хуудсаараа дамжуулан зээлийг тэглэх биш, харин зээлийн хүүг бууруулах асуудлаар тодорхой арга хэмжээ авч ажиллахыг зөвлөжээ.
Түүний "зөвлөгөөг" хүргэе.
"Ерөнхийлөгч өө ! АН-ын зээл тэглэх саналыг би ойлгож байна. Эрх баригч биш, сөрөг хүчин хэрэгжүүлэх боломжгүй популист арга хэмжээ амлаж гэнэн сонгогчдыг татах гэж оролддог. Эрдэнэс таван толгойд 1 их наяд орчим төгрөгийн ашиг энэ жил үүсэхээр байгаа. Дараа оны эхэнд Чингис бондын 500 сая долларыг төлөх эх үүсвэр алга. Зээлийн хүү нь гүйсээр байна. Иймд Монгол улс гадаад өрнөөс гарах нь дугаар нэг асуудал тул Эрдэнэс таван толгойн ашгийг өөрийнх нь хөрөнгө оруулалт болон гадаад зээлийн төлбөрт зориулъя.
Өртэй хүн өлмий доор гэж монголчууд ярьдаг нь гашуун сургамж авсных биз.Зээлийн хүүг бууруулах талаар ажиллаж өгөө ч гэж Таньд олон хүн л санал тавьж байна. АН энэ асуудлыг өнгөрсөн 4 жилд шийдэж чадаагүй Эдийн засагч С.Дэмбэрэлийг УИХ-д овоо юм хийнэ гэж би горьдсон шахсан боловч зах зээл шийднэ гээд догматсан Зи дарга бас л тийм байр суурьтай байгаа. МАН-д энэ асуудлыг шийдэх гарц хэлж буй эдийн засагч алга. Иймд Зээлийн хүүг бууруулах тодорхой саналтай хүмүүсийг ойрын үед Та , эдийн засгийнхаа зөвлөхийн хамт урьж сонсоо ч... Япон Солонгосын эдийн засагч эрдэмтэд ч зээлийн хүүг зохицуулж ирсэн туршлага бий. Оросын төв банк санаа авмаар янз бүрийн аргууд хэрэглэж зээлийн хүүгээ бууруулж байна. Хадгаламжаар биш Хувьцаагаар мөнгө өсгөдөг загварт шилжвэл Эдийн засаг зөв, хурдан хөгжинө, Үйлдвэрлэгчид үржин олшроно Ажилгүйдэл Ядуурлыг МОНГОЛ ЯЛНА" гэжээ.
Сэтгэгдэл (0)
Сэтгэгдэл бичигдээгүй байна