КИМ ЧЕН УН: ГАЛЗУУ АМЕРИК ХӨГШНИЙГ БИД ГАЛААР НОМХОТГОНО

АНУ болон Умард Солонгосын удирдагчид үг болон үйлдлээрээ дайтсан хэвээр байна. "Хүн Пуужин" хэмээх хоч нэрийг Ким Чен Унд Дональд Трамп өгсөн бол Умард Солонгосын залуу удирдагч хариуд нь "Галзуу хөгшин" гэх тодотголыг Трампад хайрлажээ.

"Дэлхий дахины нүдний өмнө Трамп манай улсыг ор үндсээр нь устгана гэж мэдэгдсэн тул бид ч тэдний эсрэг урьд хожид байгаагүй хатуу арга хэмжээ авахад бэлэн байна. Галзуу америк хөгшнийг бид галаар номхотгох болно" гэж Ким Чен Ун мэдэгджээ.

БНАСАУ-ын Гадаад хэргийн сайдаас АНУ-д Ким Чен Ун ямар хариулт өгөх бол гэтэл хариуд нь "Номхон далайд устөрөгчийн бөмбөг дэлбэлж хариуг нь барина" гэжээ.

М.Болджин