Онцгой байдлын алба хаагчид 78 удаагийн дуудлагаар үүрэг гүйцэтгэж, 5 хүний амь насыг аварчээ

Өнгөрсөн долоо хоногт буюу 2026 оны зургаадугаар сарын 15-21-ний өдрүүдэд улсын хэмжээнд аюулт үзэгдэл, ослын нийт 78 удаагийн дуудлага бүртгэгджээ. Дуудлага нийслэлийн 8 дүүрэг, 18 аймгийн 24 суманд гарсан байна.

Дуудлагын дагуу төв болон орон нутгийн Онцгой байдлын байгууллагын алба хаагчид шуурхай ажиллаж, нийт 5 иргэний амь насыг авран хамгаалжээ. Мөн утаажилтын бүсээс 59 иргэнийг гарган аюулгүй байдлыг нь хангаж ажилласан байна.

Нийт бүртгэгдсэн дуудлагын 61 нь объектын гал түймэр, 2 нь үер, 4 нь биологийн гаралтай аюулт үзэгдэл, 11 нь хүний үйл ажиллагаатай холбоотой ослын дуудлага байжээ.

Онцгой байдлын байгууллагаас иргэдийг гал түймэр, үер усны аюул болон бусад эрсдэлээс урьдчилан сэргийлэх, аюулгүй ажиллагааны дүрэм журмыг чанд мөрдөхийг анхаарууллаа