425 ДУГААР ЦЭРГИЙН АНГИЙН АЛБАН ХААГЧ НАРТАЙ ХАМТАРСАН ЗӨВЛӨГӨӨН ЗОХИОН БАЙГУУЛАВ

Говьсүмбэр аймгийн Прокурорын газраас Шүүхийн шийдвэр гүйцэтгэх албаны болон хорих 425 дугаар ангийн албан хаагч нартай хамтарсан зөвлөгөөнийг зохион байгуулжээ. Тус зөвлөгөөнөөр шинээр батлагдсан хууль хэрэгжиж эхэлсэнээс хойш илэрсэн зөрчил болон Эрүүгийн хууль, Эрүүгийн хэрэг хянан шийдвэрлэх тухай хууль, Шүүхийн шийдвэр гүйцэтгэх тухай хууль, "Ял эдлүүлэх ажиллагаанд тавих прокурорын хяналтын заавар" холбогдох журам, заавар тушаалыг нэг мөр ойлгож хэрэгжүүлэн ажиллах талаар ял эдлүүлэх ажиллагаанд тавих хяналт хариуцсанхяналтын прокурор Б.Мөнгөнтуяа яриа таниулга, мэдээлэл хийж, аймгийн ерөнхий прокурор С.Батсүрэн шинээр батлагдан мөрдөгдөж байгаа хуулийн хэрэгжилт, хүндрэл бэрхшээлтэй асуудал байгаа эсэх талаарх санал солилцож хамтран ажиллах чиглэл өгч ажилласан байна. Цаашид хууль журам, зааврыг нэг мөр хэрэгжүүлэн ажиллах үүрэг даалгавар өгч, зөвлөгөөнөөс хамтран ажиллах ажлын үр дүнг тооцож, биелэлтийг дараагийн зөвлөгөөнөөр хэлэлцэхээр шийдвэрлэжээ.