Амьдралын хэв маягтай холбоотойгоор Монгол улсын хэмжээнд хүн амын “таргалалт" нэмэгдээд байна. Албаны хүмүүсийн тайлбараар бол суурин амьдралын хэв маяг болон хоол ундны зохисгүй хэрэглээнээс шалтгаалж таргалалт үүсч байна гэдгийг онцолж байгаа юм. Таргалалтаас үүдэлтэйгээр иргэд хил гаалиар нууцаар орж ирсэн тураах эм бэлдмэл хэрэглэж хохирох тохиолдол ч гарч байна.
ДЭМБ-ийн урьдчилсан таамаглалаар 2015 он гэхэд ойролцоогоор 2,3 тэрбум насанд хүрэгчид илүүдэл жинтэй, 700 сая нь таргалалтай болно гэжээ. Тэгвэл Монгол улсын хэмжээнд нийт хүн амын 54.6 % нь таргалалттай гэсэн судалгаа гарчээ. Үүний цөөнхи хувь нь л өвчлөлөөс үүдэлтэй таргалалт байдаг юм байна.
Жингээ хасч, турах хүсэлдээ хөтлөгдөн, эрүүл мэндээрээ хохирсон цөөнгүй иргэд ч байдаг байна. Үүний нэг жишээ Б гэх эмэгтэй 100 мянган төгрөгийн үнэтэй тураах эм худалдаж авсан. Хятад бичигтэй болохоор хэзээ хаана үйлдвэрлэсэнийг нь мэдэх боломжгүй байсан байна. Тухайн эмийг худалдаж авч уусан эхний гурван өдөр дотор муухай оргиод, толгой эргээд, ямар ч хоол идэх хүсэлгүй арав гаруй хоносон байна. Нэг өглөө нүүрнийх нь хэсэг татаад муруйчихсан байдалтай сэрсэн байна. Азаар тэр даруйдаа эмлэгт хандаж эдгэрчээ. Зарим төрлийн эмүүд хил гаалиар нууцаар орж ирдэг учир эргээд хариуцлага тооцох эзэнгүй эм бэлдмэлүүдийг худалдаж авахыг зөвлөж байна. Иргэддээ сэрэмжлүүлэхэд Монгол улсын хил гаалиар зөвшөөрлийн дагуу орж ирсэн эм бэлдмэлүүдийг хувь хүнээс худалдаж авах гэхээсээ илүүтэйгаар эмийн сан эмчийн заавартайгаар хэрэглэхийг зөвлөж байна.
Сэтгэгдэл (0)
Сэтгэгдэл бичигдээгүй байна