Норвегичууд Зул сарын баярын өмнө нь "Smalahove" хэмээх үндэсний хоолоо бэлтгэж иддэг. Энэ нь хонины толгойг чанаж, төмстэй хольж иддэг хоол юм. Үүнийг анх ядуусын хоол гэж үздэг байсан бол одоо хэн бүхний дуртай баярын зоог болжээ.
Гэхдээ нас бие гүйцсэн хонь биш хурганы толгойг чанах нь түгээмэл гэнэ. Учир нь хонь, ямааны халдвар, үхрийн галзуу өвчин тархсан тул Европын холбоо 1998 оноос хойш "Smalahove" зоогонд нас бие гүйцсэн ямааны толгой идэхийг хоригложээ.
Толгойг давсалж амтлахаас гадна утаж, хатаах нь түгээмэл байдаг бөгөөд нүд, чихийг нь түрүүлж иддэг ажээ. Энэ хүнсийг Норвегид ирсэн жуулчид ихэд сонирхдог байна. Монголчуудын хувьд, хонины толгой нь мөн адил хүндэтгэлийн зоог бөгөөд хуйх маханд коллаген уураг баялаг учир хүний арьсыг гоо сайхан байлгахаас гадна хорт хавдрын эсрэг үйлчилгээ үзүүлдэг гэж ном сударт бичсэн буй.
Сэтгэгдэл (0)
Сэтгэгдэл бичигдээгүй байна