Улсын Ерөнхий Прокуророос Д.Гантулга гишүүнийг 48 цагийн дотор бүрэн эрхээс нь түдгэлзүүлэх хүсэлтийг өчигдөр УИХ-д хүргүүлсэн талаар эх сурвалжууд тодотгож буй. Уг хүсэлтийг УИХ-аар хэлэлцэхээс өмнө Д.Гантулга гишүүн бүрэн эрхээсээ түдгэлзэх хүсэлтээ УИХ-ын дарга М.Энхболдод хүргүүлж, дараа нь сэтгүүлчдэд мэдээлэл хийнэ гэгдэж байсан юм.
Өнөөдөр Д.Гантулга гишүүн тодорхойгүй шалтгааны улмаас түдгэлзэх хүсэлтээ өгөөгүй бөгөөд мэдээлэл хийсэнгүй. УИХ-ын тухай хуулийн 6.13-т зааснаар "Гишүүний бүрэн эрхийг түдгэлзүүлэх эсэх асуудлыг Төрийн байгуулалт, Хууль зүйн байнгын хороодын болон Улсын Их Хурлын гишүүний халдашгүй байдлын дэд хорооны санал, дүгнэлтийг үндэслэн нэгдсэн хуралдаанаар хэлэлцэж хуралдаанд оролцсон гишүүдийн олонхийн саналаар, нууц санал хураалтаар шийдвэрлэх аж.
Д.Гантулга гишүүний хувьд УИХ-аас тодорхой шийдвэр гарсны дараа байр сууриа албан ёсоор илэрхийлэхээр зэхэж буй бололтой. Холбогдох хуулийнхаа хүрээнд ч тэр, УИХ-ын гишүүн өөрөө бүрэн эрхээсээ түдгэлзэх хүсэлт гаргах зохицуулалт байхгүй юм байна.
Сэтгэгдэл (0)
Сэтгэгдэл бичигдээгүй байна