Өнөөдөр түүний хөшөөнд цэцэг өргөх үеэр Санжаасүрэнгийн Зориг агсны дүү С.Оюун "Гурван шатны шүүхийн талаар манай гэр бүл тодорхой байр сууриа илэрхийлсэн. Шүүх хурлыг нээлттэй саналыг тавьсан ч хаалттай болсон. Хэргийн материалыг нээлттэй болгох шийдвэрийг Засгийн газраас гаргасан ч одоо болтол ажил хэрэг болоогүй. Алдсан хүн арван тамтай. Тэр материалууд ил болж байж эргэлзээг тайлна. Гурван шатны шүүхээр шийдсэн хэрэгт бид эргэлзсэн хэвээр байгаа учраас зөв, бурууд санаа зовж байна. Захиалагч нь олдоосой. Жинхэнэ хийсэн хүмүүс ял битгий завшаасай. Хэрэг хийгээгүй хүмүүс битгий хэлмэгдээсэй гэж санаа зовж байна" гэсэн юм.
Мөн Ардчилсан намын дарга С.Эрдэнэ "С.Зоригийн эхлүүлсэн ардчилал, шударга ёс, хүний эрх, эрх чөлөө, нийгмийн сайн сайхны төлөөх үйл хэрэг нь бодит биеллээ олоод явж байгаа нь бахархууштай" хэмээлээ.
Сэтгэгдэл (0)
Сэтгэгдэл бичигдээгүй байна